Qazaqstanda kúnniń ysýy koronavirýstyń taralýyna qalai áser etedi? Bul suraqqa Densaýlyq saqtaý Facebook paraqshasyndaǵy suhbat barysynda Qazaqstannyń jetekshi infektsionist dárigeri, meditsina ǵylymdarynyń doktory Dinagúl Baesheva jaýap berdi, dep habarlaidy QazAqparat.
«Ýltrakúlgindi sáýleler patogendi virýstar men bakteriialardyń kóbin óltiredi. Iaǵni sózsiz kúnniń ysýynyń jaǵymdy áseri mol. Jyly aýa raiynyń ózi de adamdarǵa jaily áser etedi. Adamdar kóshege shyǵady, taza aýamen demalyp, tórt qabyrǵaǵa qamalyp otyrmaidy. Esik pen tereze ashylyp, bólme jeldetiledi. Munyń bári jaqsy», - dedi Dinagúl Baesheva.
Mamannyń aitýynsha, bul rette basty sharttardyń biri – áleýmettik qashyqtyqty saqtaý, barynsha 1-2 metr aralyqta júrý.
«Virýs adamdardyń joǵary tynys alý joldary arqyly taralatynyn túsiný kerek. Sebebi ol jerge ýltrakúlgindi sáýle jete almaidy. Máseleniń mánisi osynda. Bizdiń mindet – osy virýstyń taralýyna jol bermeý», - deidi ol.
