Qazaqstanda koronavirýske shaldyǵý kórsetkishi 17 paiyzǵa tómendedi. Bul týraly Úkimet otyrysynda QR Densaýlyq saqtaý ministri Aleksei Tsoi aitty, dep habarlaidy QazAqparat.
«Álemde koronavirýs infektsiiasynyń 251 mln-nan astam jaǵdaiy, tirkeldi. Táýligine 400 myńnan astam jaǵdai tirkelip jatyr. 5 mln-nan astam adam óldi. DDSU-nyń Eýropa óńiri málimetine sáikes, sońǵy eki aptada 54 eldiń ishinde 40 memlekette aýrý ósimi baiqalady», - dedi ministr.
Onyń dereginshe, sońǵy 2 aptada Vengriiada aýrýshańdyq - 180, Polshada - 150, Avstriiada - 120, Germaniiada 90 paiyzǵa artqan. Al aýrýdyń tómendeýi 14 elde baiqalady.
«Qazaqstanda sońǵy 2 aptada aýrýshańdyq 17 paiyzǵa tómendedi. Álemdik reitingke sáikes, Qazaqstan 222 eldiń ishinde aýrýshańdyq kórsetkishi boiynsha 105-orynda, ólim-jitim kórsetkishi boiynsha 101 orynda tur», - dedi Aleksei Tsoi.
