Koronavirýsqa qarsy vaktsina daiarlaýda otyndyq ǵalymdar eleýli jumystar atqarýda. Bul týraly Bilim jáne ǵylym ministri Ashat Aimaǵambetov málim etti, dep habarlaidy QazAqparat.
«Klinikaǵa deiingi synaq sátti ótti. Tekserý sharalary barlyq derekterdiń tolyq jańǵyrtylýyn baiqatty. Antideneler boiynsha sheteldik balamaly zerttemelerden kem emes ekenin kórip otyrmyz. Sonymen qatar, gýmoraldy ári jasýshalyq immýnitettiń damýyn baiqadyq, bul óz kezeginde mańyzdy bolyp sanalady», - dedi ministr Úkimet úiinde ótken baspasóz máslihatynda.
Munymen qosa ol otandyq ǵalymdar óz erkimen ekpe salǵandaryn eske saldy.
«Bir aidan astam ýaqyt ótti. Olar únemi baqylaýda bolady, sáikesinshe analiz tapsyrýda. Osy oraida ózimizdiń vaktsinanyń nátijeligi men tiimdiligin kórip turmyz», - dedi A. Aimaǵambetov.
Ministr qazirgi kezde qazaqstandyq ǵalymdar klinikalyq synaqtyń tiisti kezeńine kirisip jatqanyn, eriktilerdi irikteý bastalǵanyn jetkizdi.
