10 mamyrda Qazaqstanda 1120 adamnyń analizinen koronavirýs anyqtaldy. 2020 jyldyń naýryz aiynan beri elde 399 096 adamnyń PTR testi oń shyqqan.
Densaýlyq saqtaý ministrligi pnevmoniianyń koronavirýsqa uqsas túrin (koronavirýs pnevmoniiasy) bólek eseptep keledi jáne ol boiynsha kún saiyn eki kún burynǵy kórsetkish jariialanady. 9 maýsymda elde 70 adamnyń koronavirýs pnevmoniiasyna shaldyqqany belgili boldy. Byltyr tamyzdan beri 55 928 adamǵa sondai diagnoz qoiylǵan.
Amerikalyq Djons Hopkins ýniversiteti resmi saitynda Qazaqstandaǵy koronavirýs pen koronavirýs pnevmoniiasyna shaldyqqandardy biriktirip kórsetedi. Ondaǵy málimet boiynsha, elde 455 myń adamnan koronavirýs anyqtalǵan.
Indet bastalǵaly beri elde PTR testi oń shyqqan naýqastardyń 4136-sy qaitys bolǵan. 9 maýsymda 12 adam kóz jumǵan. Al koronavirýs pnevmoniiasy 3400 adamnyń ólimine sebep boldy dep aitylady. 9 maýsymda koronavirýs pnevmoniiasymen bailanysty adam ólimi tirkelmegen.
Densaýlyq saqtaý ministrliginiń málimetinshe, 2 mln 416 myń adamǵa koronavirýsqa qarsy vaktsinanyń keminde bir dozasy egilgen, 1 mln 300 myńǵa jýyǵyna eki dozasy salynǵan.
Qazir 21 951 adam koronavirýstan emdelip jatyr. 95 paiyzynyń PTR testi oń shyqqan. 7 myńnan astamy statsionarda jatyr. 521 adamnyń jaǵdaiy aýyr, 111 adamnyń hali múshkil, 79 adam jasandy tynys apparatyna qosylǵan.
Djons Hopkins ýniversitetiniń málimetinshe, álemde koronavirýs juqtyrǵandar 174,7 mln adamǵa jetken, 3,77 mln adam odan qaitys bolǵan.
