Ótken táýlikte Qazaqstanda 2283 adamnan koronavirýs anyqtaldy. Eki kún buryn 173 adamǵa koronavirýs pnevmoniiasy diagnozy qoiylǵan. Sol kúni 25 adam qaitys bolǵan: 20 adam – koronavirýstan, 5 adam koronavirýs pnevmoniiasynan kóz jumdy dep aitylady.
2020 jyldyń naýryz aiynan beri Qazaqstanda 350 591 adamnyń koronavirýs testi oń shyqqan. Sodan beri 3984-i qaitys bolǵan.
Densaýlyq saqtaý ministrligi pnevmoniianyń koronavirýsqa uqsas túrin (koronavirýs pnevmoniiasy) 1 tamyzdan beri esepke alyp keledi. Oǵan deiin qansha adamnyń koronavirýs pnevmoniiamen aýyrǵany belgisiz. Sodan beri 53 757 adamǵa koronavirýs pnevoniiasy juqqan. 847-i sodan qaitys boldy dep aitylady.
Qazir 39 626 adam koronavirýstan emdelip jatyr. 39 143-iniń PTR-testi oń kórsetken. 788 patsienttiń jaǵdaýy aýyr, 183 naýqastyń jaǵdaiy tym múshkil. 116 adam jasandy tynys apparatyna qosylǵan.
Elde 1 aqpannan bastap koronavirýsqa qarsy vaktsinalaý naýqany bastalǵan. Bastapqyda ekpe tek dárigerlerge egildi. Qazir turǵyndarǵa jappai salynyp jatyr. 13 mamyr kúngi málimet boiynsha 1,75 mln adam vaktsinanyń keminde bir dozasyn alǵan. 700 myńnan astamyna eki dozasy salynǵan. Qazaqstandyqtarǵa reseilik Spýtnik V, elde ázirlengen QazVac jáne qytailyq Sinopharm kompaniiasynyń BAÁ-de shyǵarylǵan vaktsinasy salynyp jatyr.
Amerikalyq Djons Hopkins ýniversitetiniń málimetinshe, indet bastalǵaly beri álemde 160 mln adamǵa koronavirýs juqqan. Shamamen 95,9 mln jazylǵan, 3,32 mln adam qaitys bolǵan.
