9 tamyzda Qazaqstanda 7 235 adamnyń analizinen koronavirýs anyqtaldy. Bul - keiingi kezde tirkelgen kórsetkishterden sál tómendeý. Bir kún buryn 7 600-den astam naýqas tirkelgen bolatyn.
Dúisenbi kúni eń kóp naýqas Almatyda (1486) tirkeldi. Nur-Sultanda – 1 161, Qaraǵandyda – 1061, Shymkentte 570 adamnyń koronavirýs testi oń kórsetken. Atyraý oblysynda bir kúnde 627 adamnan virýs anyqtalǵan. Bul oblys boiynsha tirkelgen eń joǵary kórsetkishterdiń biri. Qalǵan oblystarda anyqtalǵan naýqastar 300-ge jetpeidi.
Qazir Túrkistan oblysy koronavirýstyń taraýy boiynsha "sary aimaqta" tur. Qalǵan qalalar men oblystar "qyzyl aimaqta".
Densaýlyq saqtaý ministrliginiń málimetinshe, 8 tamyzda 35 adamǵa koronavirýs pnevmoniiasy diagnozy qoiylǵan. Sol kúni 107 adam ólimi tirkelgen: 97 adam – koronavirýstan, 10 adam koronavirýs pnevmoniiasynan qaitys boldy dep aitylady.
Qazir úsh iri qala men eki oblysta karantin kúsheigen: Nur-Sultan, Almaty, Shymkent, Atyraý oblysy jáne Qaraǵandy oblysy.
Densaýlyq saqtaý salasynyń mamandary virýstyń kúsheiýin koronavirýstyń delta variantynyń jyldam taraýymen bailanystyrady. Dárigerlerdiń aitýynsha, delta "aǵza tańdamaidy, ol jyldam asqynady, sozylmaly aýrýdyń joqtyǵy aýrýdyń asqynbaýyna kepildik bola almaidy".
Indet bastalǵaly beri 649 myń adamnyń koronavirýs testi oń shyqqan. 6973-i qaitys bolǵan. 2020 jyldyń tamyz aiynan beri 63 myń adam koronavirýs pnevmoniiasyna shaldyqqan. 3925-i qaitys bolǵan.
8 tamyzdaǵy málimet boiynsha, 111 239 adam koronavirýs infektsiiasynan (–107 348 + jáne 3 891 KVI-) emdelip jatyr. Olardyń ishinde 30 633 patsient statsionarda, 80 606 naýqas ambýlatoriialyq deńgeide em qabyldaýda.
KVI+, KVI- shaldyqqandardyń arasynda:
• 1 918 adamnyń jaǵdaiy aýyr,
• 405 patsienttiń jaǵdaiy óte aýyr,
• 196 naýqas ÓJJ apparatynda jatyr.
Aqpan aiynan beri 4,4 mln adamǵa koronavirýsqa qarsy vaktsinanyń eki dozasy salynǵan. 1,4 mln adam birinshi dozasyn alǵan.
