Qazaqstanda koronavirýs infektsiiasy boiynsha epidemiologiialyq jaǵdai turaqty. Bul týraly Úkimet otyrysynda Densaýlyq saqtaý ministriniń mindetin atqarýshy Jandos Búrkitbaev aitty, dep habarlaidy QazAqparat.
«Álemde aýrý deńgeii ósýde, onyń ishinde sońǵy aida aýrý Eýropada 11 paiyzǵa artqan. Tynyq muhit óńirinde jáne Afrikada 10 paiyzdy qurady. Dúniejúzilik densaýlyq saqtaý uiymynyń derekteri boiynsha Eýropada sońǵy eki aptada 18 elde aýrý ósken. Onyń ishinde Ispaniiada, Italiiada - 97, Daniiada – 89, Ulybritaniiada, Portýgaliiada – 69, Frantsiiada 39 paiyzǵa artqan. Qazaqstanda sońǵy eki aptada aýrý 32 paiyzǵa tómendedi», - dedi ol.
Onyń atap ótýinshe, Qazaqstan Respýblikasynda koronavirýs infektsiiasy boiynsha epidemiologiialyq jaǵdai turaqty.
«Kún saiyn orta eseppen oń PTR testimen koronavirýs infektsiiasynyń 500 jýyq jáne teris PTR testimen 50 jýyq jaǵdaiy tirkeledi», - dedi Jandos Búrkitbaev.
