Búgingi tańda orta bilimdi alý úshin, mektepte 9 jyldyq oqýdan keiin kolledjde talpynatyndar sany jyl saiyn artyp otyr. Onyń ishinde kásiptik bilim alýǵa degen suranys artqan. Sonyń nátijesinde kolledjderde bilim alýǵa granttar sanyn arttyrdy, - dep habarlaidy «Ult aqparat».
Biyl 9-synypty onlain oqyp tamamdaǵan Gúljan Serikqyzy orta bilim alýdy kolledjde jalǵastyrǵysy keledi. Sebebi erte bilim alyp, erte eńbekke aralasqysy keletin arý bolashaqta kiim dizaineri bolǵysy keletinin aitty.
«Men biyl kolledjge túsýge daiyndalyp jatyrmyn. Kiim dizaineri bolǵym keledi. Biyl bilim granttary da kóp bolady deidi. Eń bastysy jańa erejemen qujat tapsyryp, jańa erejemen oqýǵa túsetin bolǵandyqtan óz ózimizge senimdi bolýymyz kerek. Oqýǵa túsý konkýrsy attestattaǵy mindetti jáne beiindik pánderden qoiylǵan baǵanyń ortasha konkýrstyq baly boiynsha aqparattyq júie arqyly ótkiziledi. Pedagogikalyq, meditsinalyq jáne shyǵarmashylyq mamandyqtarda oqyǵysy keletin túlekter arnaiy nemese shyǵarmashylyq emtihandar tapsyryp, suhbattasýdan ótedi eken. Men tańdaǵan mamandyq boiynsha da eki túrli emtihan tapsyramyz, onyń biri shyǵarmashylyq emtihan. Ózim tikken kosiýmderdi, kóilekterdi kórsetýim kerek», - deidi Gúljan Serikqyzy.
Belgili bolǵanyndai, biyl oqýǵa tapsyrý aldaǵy 25 maýsymnan bastalady. Talapkerler kolledjge qujattardy eki tásilmen – elektrondyq úkimet portaly Egov.kz arqyly nemese tikelei kolledjge tapsyra alady. Bolashaq stýdentterdiń 4 mamandyq pen 4 kolledjge deiin tańdaý quqyǵy bar.
Al QR BǴM Tehnikalyq jáne kásiptik bilim departamentiniń direktory Nasymjan Ospanovanyń aitýynsha, arnaiy nemese shyǵarmashylyq emtihandardy kolledjder janynan qurylǵan komissiialar júrgizedi.
«Konkýrs 2 kezeńge bólingen. Birinshi 9-synyp negizinde oqýǵa túsetin talapkerler arasynda memlekettik tapsyrysty bólý 19-22 tamyz aralyǵynda, al, 11 synyp túlekteri úshin – 22-25 tamyz aralyǵynda ótedi. Igerilmegen oryndar bolǵan jaǵdaida bilim grantymen qamtylmaǵan talapkerler arasynda memlekettik bilim berý tapsyrysyn qaita bólý júrgiziledi. Memlekettik tapsyrys boiynsha oqýǵa qabyldaý týraly aqparat talapkerdiń jeke kabinetine keledi. Kolledjderge qabyldaý 31 tamyzda aiaqtalady», – dep atap ótti QR BǴM Tehnikalyq jáne kásiptik bilim departamentiniń direktory Nasymjan Ospanova.
Belgili bolǵanyndai, biyl qazaqstandyq kolledjderde qujat qabyldaý 25 maýsymda bastalady, biylǵy oqý jylyna 97 myń grant bólinip otyr. Al kvotalar 9 sanat boiynsha qarastyrylady. Kóp balaly otbasylardan shyqqan balalar úshin 5%, mártebesi keminde úsh jyl tolyq emes otbasy balalaryna 1%, bala kezinen múgedek balalardy tárbielep otyrǵan otbasylardan shyqqan talapkerler men birinshi jáne ekinshi toptaǵy múgedekter úshin 1% kvota qosyldy.
Al qujat qabyldaý jańa erejeler negizinde júrgiziledi. Bul týraly QR BǴM Tehnikalyq jáne kásiptik bilim departamentiniń direktory Nasymjan Ospanova Facebook-tegi paraqshasynda jazdy.
«Biyl pedagogikalyq, meditsinalyq jáne shyǵarmashylyq mamandyqtardy qospaǵanda, qabyldaý emtihandary bolmaidy. Konkýrs attestattaǵy mindetti jáne beiindik pánderdiń ortasha baly boiynsha ótkiziledi. Odan basqa, bilim berýdiń ashyqtyǵy men qoljetimdiligin qamtamasyz etý úshin QR BǴM «aqsha stýdentpen birge júredi» qaǵidaty negizinde granttardy bólýdiń jańa tetigin ázirledi. Iaǵni, buryn granttar kolledjder arasynda bólingen bolsa, endi olar talapkerlerdiń tańdaýy boiynsha beriledi. Memlekettik tapsyrys talapkerlerdiń tańdaýy boiynsha kolledjder arasynda ornalastyrylmaq», - dep jazdy N.Ospanova.
Statistikaǵa súiensek, elimizde 795 kolledj jumys isteidi. Onyń 454-i – memlekettik oqý oryndary. Granttardy 435 memlekettik kolledj jáne 170 jeke menshik kolledj alady. 2021-2022 oqý jylyna memlekettik bilim berý tapsyrysy 10 baǵyt jáne 200-den astam suranysqa ie mamandyqtar boiynsha 97 myń orynǵa bólindi.
Esterińizge sala keteiik, biyl oqýǵa tapsyrý aldaǵy 25 maýsymnan bastalady. Talapkerler kolledjge qujattardy eki tásilmen – elektrondyq úkimet portaly Egov.kz arqyly nemese tikelei kolledjge tapsyra alady. Bolashaq stýdentterdiń 4 mamandyq pen 4 kolledjge deiin tańdaý quqyǵy bar. biylǵy oqý jylyna 97 myń grant bólinip otyr. Al kvotalar 9 sanat boiynsha qarastyrylady. Kóp balaly otbasylardan shyqqan balalar úshin 5%, mártebesi keminde úsh jyl tolyq emes otbasy balalaryna 1%, bala kezinen múgedek balalardy tárbielep otyrǵan otbasylardan shyqqan talapkerler men birinshi jáne ekinshi toptaǵy múgedekter úshin 1% kvota qosyldy.
