Qazaqstanda qoqys qaldyǵyna qatysty qai óńir turǵyndary jii shaǵymdanatyny belgili boldy, dep habarlaidy QazAqparat.
«Bizde qazir jedel jeli iske qosyldy. Oǵan elimizdiń kez kelgen azamaty qorshaǵan ortany lastaý men qoqys tastaǵan oqiǵaǵa kýá bolǵan jaǵdaida +7 775 952 49 00 uialy telefonyna foto-video dálelimen qatar, qai óńirde jáne qashan bolǵany týraly derekti jibere alady. Atalǵan jedel jelige 3 kúnniń ishinde azamattardan túrli baǵyttaǵy 360 habarlama kelip tústi. Aitar bolsaq, kúni keshe ǵana Qaraǵandy oblysynyń turǵyny áleýmettik jelige belgisiz kólik iesiniń qoqys úiindisin qaldyryp ketkenńn jariialaǵan. Sol sátte kóliktiń nómiri men iesi anyqtalyp, tiisti shara qoldanyldy. Odan bólek, bizde barlyq óńirler boiynsha arnaiy shtab jumys isteidi. Onyń quramynda ekologiia departamenti, jergilikti ákimdik jáne kommýnaldyq qyzmeti ókilderi bar. Keshe ǵana bir oqiǵanyń izin sýytpai anyqtadyq», - dedi ekologiialyq retteý jáne baqylaý komitetiniń tóraǵasy Zýlfýhar Joldasov atalǵan vedomstvo uiymdastyrǵan ekologiialyq reid barysynda.
Sondai-aq, komitet basshysy jedel jeli arqyly elimizdiń qai óńiri turǵyndarynan qorshaǵan ortany lastaýǵa qatysty jii shaǵym kelip túsetinin aitty.
«Qoqys-qaldyq tastaý jáne tabiǵatty lastaýǵa qatysty Aqmola, Almaty, Aqtóbe jáne Túrkistan oblysy turǵyndarynan shaǵym jii túsedi», - deidi ol.
