Foto: Freepik
2025 jyly Qazaqstanda 12 671 adam qaitys bolǵannan keiingi donorlyqqa kelisimin bergen, dep habarlaidy Ult.kz Densaýlyq saqtaý ministrligine silteme jasap.
Bul kórsetkish sońǵy jyldary eldegi donorlyq mádenietiniń qalyptasyp kele jatqanyn kórsetedi. Vedomstvo mundai sheshim transplantatsiiany kútip otyrǵan birneshe naýqastyń ómirin saqtap qalýǵa múmkindik beretinin aitady.
Resmi málimetke sáikes, sońǵy úsh jylda qaitys bolǵannan keiin donor bolýǵa sanaly túrde kelisim bergen azamattardyń sany aitarlyqtai artqan.
Atap aitqanda:
2023 jyly – 4 991 adam,
2024 jyly – 7 242 adam,
2025 jyly – 12 671 adam.
Osylaisha, úsh jyl ishinde bul kórsetkish shamamen úsh esege ósken.
DSM pikirinshe, bul derekter qazaqstandyqtardyń donorlyq máselesine barǵan saiyn jaýapkershilikpen qarai bastaǵanyn kórsetedi. Iaǵni kóptegen azamattar ómirinde aldyn ala osyndai mańyzdy sheshim qabyldap, ózge adamdardyń ómirin saqtap qalýǵa múmkindik beretin tańdaý jasap otyr.
