Qazaqstanda qatań shekteý sharalary epidemiologiialyq ahýal jaqsarmasa, taǵy 2 aptaǵa uzartylýy múmkin. Bul týraly Memlekettik komissiia otyrysynda QR Premer-Ministri Asqar Mamin aitty, dep habarlaidy "Ult aqparat".
Úkimet basshysy elimizdegi epidemiologiialyq ahýaldyń aldaǵy ýaqytta qalai ózgeretinine bailanysty atalǵan shekteý sharalary 2 aptaǵa uzartylýy nemese qatańdatylýy múmkin ekenin atap ótti.
Jańa shekteý sharalaryn talqylaýǵa ortalyq memlekettik jáne jergilikti atqarýshy organdardyń basshylary, QR Parlamenti Májilisiniń depýtattary, «Atameken» UKP tóraǵasy A. Myrzahmetov, Qazaqstan kásipkerleriniń quqyqtaryn qorǵaý jónindegi ýákiletti R. Júrsinov jáne taǵy basqalar qatysty.
Eske sala keteiik, búgin Memlekettik komissiia epidemiologiialyq jaǵdaidy turaqtandyrý jónindegi sharalardy bekitken bolatyn.
