Foto: Pexels.com
2024 jyly Qazaqstanda qartaiý indeksi 31,1 qurady, bul ótken jylmen salystyrǵanda 1,6 paiyzdyq tarmaqqa joǵary (2023 jyly 29,5), dep habarlaidy Ult.kz.
Ulttyq statistika biýrosynyń málimdeýinshe, bul degenimiz 0 men 15 jas aralyǵyndaǵy árbir 100 balaǵa 65 jastan asqan 31,1 qariiadan keledi degen sóz.
Óńirler bólinisinde bul kórsetkishtiń eń joǵary deńgeii Soltústik Qazaqstan oblysynda tirkelgen – 78,1, odan keiin Shyǵys Qazaqstan (76) jáne Qostanai oblystary (66,4).
Qartaiý indeksiniń eń tómengi kórsetkishi Mańǵystaý oblysynda, onda 100 balaǵa 65 jastan asqan 15,2 qarttan keledi. Sondai-aq atalǵan kórsetkishtiń tómen máni Túrkistan oblysynda (15,9) jáne Shymkent qalasynda (16,1) tirkelgen.
Aita keteiik, qalalyq jerlerde qartaiý indeksi aýyldyq jerlerge qaraǵanda joǵary – tiisinshe 33,4 jáne 27,5.
Qartaiý indeksi – 100 balaǵa shaqqanda egde jastaǵy adamdar sanyn sipattaityn halyqtyń jas quramynyń kórsetkishi. Ol 65 jastan asqan halyq sanynyń 0-14 jas aralyǵyndaǵy halyq sanyna qatynasy retinde esepteledi.
