Foto:depositphotos.com
Eńbek jáne halyqty áleýmettik qorǵaý ministrligi Qazaqstanda qansha Uly Otan soǵysynyń ardageri turatynyn aitty, dep habarlaidy Ult.kz, tengrinews.kz aqparatyna silteme jasap.
"2025 jylǵy 1 qańtardaǵy jaǵdai boiynsha Qazaqstanda 85 203 ardager turady, onyń ishinde Uly Otan soǵysynyń (UOS) 120 ardageri, jeńildikter boiynsha UOS ardagerlerine teńestirilgen 16 983 ardager, 26 506 basqa memleketterdiń aýmaǵyndaǵy urys qimyldarynyń ardageri, 41 594 UOS jyldaryndaǵy tyl eńbekkeri bar", - delingen habarlamada.
2024 jyly ardagerlerdiń atalǵan sanattaryna 16,7 milliard teńge somasynda arnaýly memlekettik járdemaqy tólendi. 2025 jyly osy maqsattarǵa 17 milliard teńge qarastyrylǵan.
Respýblikalyq biýdjetten beriletin ai saiynǵy arnaýly memlekettik járdemaqy ardagerlerdiń barlyq sanattaryna, ózge de áleýmettik tólemderdi alýyna qaramastan, mynadai mólsherde tólenedi:
- UOS ardagerleri – 16 AEK (2025 jyly – 62 912 teńge);
- jeńildikteri boiynsha UOS ardagerlerine teńestirilgen ardagerler, olardyń ishinde:
- UOS kezeńinde jaraqat alýy, kontýziia alýy, mertigýi nemese aýrý saldarynan múgedektigi bar adamdarǵa jeńildikter boiynsha teńestirilgen adamdar – 7,55 AEK (2025 jyly – 27 875 teńge);
- jeńildikter boiynsha UOS qatysýshylaryna teńestirilgen tulǵalar – 6,19 AEK (2025 jyly – 24 339 teńge);
basqa memleketterdiń aýmaǵyndaǵy urys qimyldarynyń ardagerleri, onyń ishinde:
- Aýǵanstandaǵy urys qimyldaryna qatysýshylar – 6,19 AEK (2025 jyly – 24 339 teńge);
- Tájik-Aýǵan ýchaskesinde TMD shekarasyn qorǵaýdy kúsheitý jónindegi mindetterdi oryndaǵan, Iraktaǵy halyqaralyq bitimgershilik operatsiiaǵa, Taýly Qarabaqtaǵy etnosaralyq qaqtyǵysty retteýge qatysqan áskeri qyzmetshiler – 4,8 AEK (2025 jyly – 18 874 teńge);
- UOS jyldaryndaǵy tyl eńbekkerleri – 2,13 AEK (2025 jyly – 8 376 teńge).
