Búginde elimizde 137 702 shetel azamaty turyp jatyr. Odan bólek, sońǵy 5 jyldyń ishinde Qazaqstanǵa 20 887 800 shetel azamaty kelgen. Bul týraly QR Parlamenti Májilisiniń depýtaty Erlan Smailov málim etti, dep habarlaidy QazAqparat.
«Sońǵy 5 jyldyń ishinde (2017-2021 jj) 127 415 adam Qazaqstan azamattyǵyn alǵan. Onyń ishinde 7 731 QR Prezidentiniń Jarlyǵyna sáikes, 19 684 jeńildetilgen túrde jáne 106 052 etnikalyq qandas. Sondai-aq, sońǵy bes jyldyń ishinde elimizde 20 877 800 shetel azamaty boldy, onyń 1 539 417 alys shetelden kelse jáne 19 338 383 azamat TMD elderiniń azamattary. Odan bólek, atalǵan ýaqyt ishinde Qazaqstanǵa kelgen 395 755 shetel azamaty ákimshilik jaýapkershilikke tartylypty. Onyń qatarynda 18 683 alys elder azamaty bar, qalǵan 377 072 TMD azamaty. Búginde elimizde IMM-niń statistikasyna sáikes 137 702 shetel azamaty turaqty turyp jatyr. Sol siiaqty biylǵy esep boiynsha 25 176 qandas turýda», - dedi Erlan Smailov Májilistiń zańnama jáne sot-quqyqtyq reforma komitetiniń otyrysynda jasaǵan baiandamasynda.
Sondai-aq, Májilis depýtaty elimizdiń kóshi-qon týraly zańnamasyna ózgerister engizip, tolyqtyrýdyń mańyzdylyǵyna toqatalyp ótti.
«Qoldanystaǵy zańnamaǵa ózgerister men tolyqtyrýlar engizýdegi maqsat - normalardy QR Konstitýtsiiasyna sáikes keltirip, adam quqyqtaryn qorǵaý men ulttyq jáne qoǵamdyq qaýipsizdik máselelerin sheshý. Qazaqstan Respýblikasy azamattarynyń múddelerin qamtamasyz etý. Kóshi-qon salasyndaǵy memlekettik retteýdi jaqsartý. Jáne zańnamadaǵy quqyqtyq olqylyqtardy joiýdy kózdeidi», - deidi ol.
Aita keteiik, búgin QR Parlamenti Májilisiniń zańnama jáne sot-quqyqtyq reforma komitetinde QR keibir zańnamalyq aktilerine halyqtyń kóshi-qony salasyndaǵy zańnamany jetildirý máseleleri boiynsha ózgerister men tolyqtyrýlar engizý týraly zań jobasynyń tanystyrylymy ótti.
Atalǵan sharaǵa Májilis depýtattarymen qatar quzyrly organ ókilderi qatysty.
