Elimizde 613 myńnan astam azamat turǵyn úi kezeginde tur. Bul týraly Indýstriia jáne infraqurylymdyq damý ministri Qaiyrbek Óskenbaev málimdedi, dep habarlaidy Ulysmedia.kz.
Turǵyn úige muqtajdar tiziminde eń tómengi kúnkóris deńgeiinen tómen 70 myń adam bar. Onyń 51 myńy kópbalaly otbasylar, 2 myńy jetim balalar, 10 myńy 1 jáne 2 toptaǵy múgedekter jáne 7 myńy múgedek balasy bar otbasylar.
"Memleket basshysynyń tapsyrmasyna sáikes, jeke turǵyn úi qorynda turǵyn úidi jalǵa alǵany úshin, turǵyn úi tólemderiniń tetigi ázirlendi, tiisti qaǵidalar ázirlenip, Otbasy banki bazasynda tsifrlyq platforma iske qosyldy. Búginde 25 myńnan astam ótinim qabyldanyp, onyń 6 myńǵa jýyǵy maquldandy", - dedi Óskenbaev Úkimet otyrysynda.
Jyl sońyna deiin respýblika boiynsha 15,1 mln sharshy metr nemese 138 myń turǵyn úi salý josparlanýda. Onyń 90 myńnan astamy kóp qabatty úilerdegi páterler, 47 myńy – jeke turǵyn úiler.
