Foto: Pexels.com
Qazaqstanda qamqorshylyq jáne qorǵanshylyq organdarynyń qyzmetin kúsheitýge baǵyttalǵan mańyzdy túzetý Úkimet tarapynan qoldaý tapty. Endi balalardyń quqyqtaryn qorǵaý fýnktsiiasyn atqaratyn mamandar sany normativke sáikes kóbeitiledi. Bul týraly QR Bala quqyqtary jónindegi ýákil Dinara Zákieva habarlady.
Aitýynsha, búgingi tańda elimizde 6,8 million balaǵa 303 ǵana qamqorshylyq qyzmetkeri bar. Bul olardyń ýaqtyly áreket etýin jáne mindetterin tolyq oryndaýyn qiyndatyp kelgen.
"Jańa túzetýdiń nátijesinde qyzmetkerler sany 1350-ge deiin artady, al ár 5 myń balaǵa keminde 1 maman belgilenedi", - dep atap ótti ol.
Eń aldymen qyzmetkerler adam kóp shoǵyrlanǵan aimaqtarǵa bólinedi:
- - Shymkentte qazirgi tańda jarty million balaǵa 5 qyzmetker ǵana jumys isteidi. Túzetý qabyldanǵannan keiin olardyń sany 90-ǵa jetedi.
- - Túrkistan oblysynda 1 millionǵa jýyq balaǵa 19 qyzmetker bolsa, endi 180 qyzmetker qyzmet atqarady. Ár aýdanda 10-12 maman jumys isteidi.
Zákieva bul túzetý balalardy qorǵaý júiesin kúsheitip, zorlyq-zombylyqtyń, quqyq buzýshylyqtardyń aldyn alýǵa múmkindik beredi deidi.
Qamqorshylyq qyzmetkerler:
- Zorlyq-zombylyq isterinde balalardyń quqyqtaryn qorǵaidy.
- Otbasylarǵa kómek kórsetýge jedel áreket etedi.
- 34 túrli mańyzdy fýnktsiiany atqarady.
Sonymen qatar, qamqorshylyq qyzmetkerleriniń jalaqysyn 50%-ǵa arttyrý jáne kásibi daiarlyqty kúsheitý josparlanyp otyr.
Bul túzetý Parlamentte qaralyp, qabyldanady dep kútilýde. Ózgeris balalardy qorǵaý júiesin nyǵaityp, olardyń qaýipsizdigi men quqyqtaryn qorǵaýǵa múmkindik beredi.
