Foto: ashyq derekkóz
Qazaqstan Respýblikasy Densaýlyq saqtaý ministrligi elde kardiologiialyq qyzmettiń damýy nátijesinde infarkt pen insýlttan bolatyn ólim kórsetkishteri aitarlyqtai azaiǵanyn málimdedi, dep habarlaidy Ult.kz.
Ministrlik dereginshe, qabyldanǵan sharalar infarkttan bolatyn ólimdi 3,2%-ǵa, al insýlt kezindegi statsionarlyq ólimdi 25%-ǵa tómendetýge múmkindik bergen.
Qazirgi tańda Qazaqstanda 85 insýlt ortalyǵy men 82 koronarografiia bólimshesi jumys isteidi. Sonymen qatar júrekke jasalatyn joǵary tehnologiialyq operatsiialar sany artqan.
Insýlttiń aldyn alý maqsatynda mindetti áleýmettik meditsinalyq saqtandyrý júiesi aiasynda 50 jastan asqan er azamattarǵa eki jylda bir ret brahiotsefaliialyq tamyrlardy ýltradybystyq zertteý arqyly skrining júrgizý engizilgen.
2025 jyldyń qorytyndysy boiynsha Qazaqstan Dúniejúzilik densaýlyq saqtaý uiymy Eýropalyq óńirinde infektsiialyq emes aýrýlardan bolatyn ólimdi 25%-ǵa tómendetken alǵashqy on eldiń qataryna endi.
Vedomstvo málimetinshe, bul kórsetkishter meditsinalyq kómektiń qoljetimdiligi men sapasynyń artqanyn kórsetedi.
