Foto: Pexels.com
Qazaqstanda Eýropalyq immýndaý aptalyǵy bastaldy, ol 27 sáýir men 3 mamyr aralyǵynda «Barlyǵyn immýndaýǵa qol jetkizý – bizdiń qolymyzda» uranymen ótedi, dep habarlaidy Ult.kz.
Densaýlyq saqtaý ministrliginiń málimetinshe, egýdiń arqasynda Qazaqstanda 1996 jyldan bastap poliomielit, 2009 jyldan bastap difteriia tirkelmegen. Epidparotitpen syrqattanýshylyq 100 eseden astam, A gepatiti — 32 ese, V gepatiti — 92 ese, qyzamyq — 2000 eseden astam tómendedi.
Búgingi tańda immýndaý baǵdarlamasy 21 infektsiiadan qorǵaýdy qamtidy. Alaida, sońǵy ýaqytta qyzylshamen jáne kókjótelmen syrqattanýshylyq boiynsha epidemiologiialyq qolaisyzdyq baiqalady: qyzylsha boiynsha 75% jaǵdai jáne kókjótel boiynsha 87% jaǵdai josparly vaktsinatsiialaý almaǵan balalarǵa tiesili.
2024 jyldan bastap Ulttyq kúntizbege 11-13 jas aralyǵyndaǵy qyzdarǵa arnalǵan APV-ǵa qarsy vaktsinatsiialaý qosyldy. Qazirgi ýaqytta bir dozamen 11-13 jastaǵy 133 169 qyz, eki dozamen - 21 194 qyz egildi.
