Foto: ashyq derekkóz
Májiliste "Cybailas jemqorlyqqa qarsy is-qimyl máseleleri boiynsha ózgerister men tolyqtyrýlar engizý týraly" jáne "Ákimshilik quqyqbuzýshylyq týraly kodeksine sybailas jemqorlyqqa qarsy is-qimyl máseleleri boiynsha ózgerister men tolyqtyrýlar engizý týraly" zań jobasy qaraldy, dep habarlaidy Ult.kz.
Ol el zańnamasyna sybailas jemqorlyqqa qarsy birqatar jańashyldyqtardy usynyp otyr. Osylaisha para usynǵany úshin jaýapkershilikti engizý usynylyp otyr.
"Zań jobasy para alýǵa kelisý, para suraý nemese talap etý, sondai-aq para ýáde etý nemese usyný úshin qylmystyq jaýapkershilikti engizýdi qarastyrady. Endi para týraly kez kelgen sózdiń qylmystyq saldary bolady. Men muny qoldaimyn, biraq adamnyń jańa qylmystarǵa shyn nieti is júzinde qalai dáleldenetini qyzyq. Óitkeni sot-tergeý tájiribesinde para alýmen bailanysty ister dáleldenýi qiyn qylmystar bolyp sanalady. Bul azamattarymyzdyń negizsiz jaýapqa tartylýyna ákelip soqtyrmai ma?” — dep surady depýtat Nikolai Arsiýtin.
Sybailas jemqorlyqqa qarsy is-qimyl agenttigi tóraǵasynyń birinshi orynbasary Ulan Sarqulov jedel-izdestirý qyzmetiniń barlyq nátijesi zańǵa sai júrgiziletinin aitty.
"Jaýapkershilikke tarta otyryp, bul eń aldymen profilaktikalyq áser ekenin birden atap ótkim keledi. Biz halyqaralyq tájiribeni qaradyq, ondai faktiler bar. Eń bastysy, bul aldyn alý sharalary – bul jerde prokýratýra men sot tarapynan qadaǵalaý máseleleri de bar ekenin atap ótken jón. Iaǵni, másele profilaktikalyq sipatqa ie", — dep jaýap berdi Sarqulov.
