Foto: ashyq derekkóz
27 naýryz – Dúniejúzilik teatr kúni. Bul kún sahna óneriniń ókilderi úshin erekshe mańyzǵa ie mereke, dep habarlaidy Ult.kz.
Teatr – kórermenniń talǵamyn qalyptastyryp, oi men sezimdi terbetetin, qoǵamǵa ózin jáne óz dáýirin tereń tanýǵa múmkindik beretin erekshe óner keńistigi sanalady. Memleket basshysy Qasym-Jomart Toqaev atap ótkendei, teatrlardyń damýy – eldiń mádeni deńgeiiniń mańyzdy kórsetkishi.
Búginde Qazaqstanda teatr ónerine qyzyǵýshylyq artyp keledi. Ásirese, jastardyń sahnaǵa degen yqylasynyń joǵary bolýy baiqalady. Qazirgi tańda elimizde 70-ten astam teatr jumys isteidi, onyń 57-si – memlekettik.
2025 jyly memlekettik teatrlarda 410 jańa qoiylym sahnalanyp, 539 gastroldik sapar uiymdastyryldy. Jalpy kórermender sany 2,8 millionnan assa, 2026 jyldyń alǵashqy toqsanynda ǵana 170 myńnan astam adam teatr qyzmetin paidalanǵan.
Mádeniet salasynyń mańyzdylyǵy el Konstitýtsiiasynda da aiqyn kórinis tapqan. Onda ulttyq mádenietti qoldaý men tarihi-mádeni murany saqtaý memlekettiń negizgi mindetteriniń biri retinde belgilengen. Sonymen qatar árbir azamatqa mádeni muraǵa uqypty qaraý jaýapkershiligi júktelgen.
Qazirgi tańda qazaqstandyq teatrlar halyqaralyq deńgeide de tabysty óner kórsetip, túrli festivalderde joǵary baǵalanyp keledi. Bul óz kezeginde eldiń mádeni imidjin nyǵaitýǵa yqpal etýde.
Osyǵan orai, QR Premer-ministriniń orynbasary – Mádeniet jáne aqparat ministri Aida Balaeva teatr qairatkerlerin kásibi merekemen quttyqtap, shyǵarmashylyq tabys pen jańa jetistikter tiledi.
