Foto: Dknews.kz
27 naýryz – Dúniejúzilik teatr kúni. Qazaqstan úshin bul kún teatr qyzmetkerleriniń kásibi merekesi ǵana emes, sonymen qatar sahna óneriniń qarqyndy damýyn aishyqtaityn mańyzdy data, dep habarlaidy Ult.kz.
Teatr sany men qurylymy
Búginde elimizde 70-ten astam teatr jumys isteidi. Onyń ishinde 57-si memlekettik teatrlar:
11-i – respýblikalyq;
46-sy – óńirlik teatrlar.
Bul kórsetkishter teatr óneriniń eldiń mádeni ómirindegi mańyzdy ornyn kórsetedi.
Negizgi kórsetkishter
2025 jyly:
410 jańa qoiylym sahnalandy;
539 gastroldik sapar ótti (495-i el ishinde, 44-i shetelde);
16 myń qoiylym kórsetildi;
2 832 835 kórermen teatrǵa barǵan.
Al 2026 jyldyń alǵashqy toqsanynda respýblikalyq teatrlar 170 927 kórermenge qyzmet kórsetti. Bul teatrǵa degen suranystyń joǵary ekenin dáleldeidi.
Halyqaralyq jetistikter
2025 jyly qazaqstandyq teatr qairatkerleri:
101 halyqaralyq;
90 respýblikalyq festival men baiqaýǵa qatysty.
Nátijesinde 13 qoiylym «Gran-pri» jáne «Eń úzdik spektakl» nominatsiialarynda jeńiske jetti.
Jańa premeralar
Jyl basynan beri kórermen nazaryna birneshe jańa qoiylym usynyldy:
«Qorǵansyz»
«Qazaqi komediia nemese Bonaparttyń úilenýi»
«Sholpannyń kúnási»
Teatr kúnine arnalǵan sharalar
Mereke aiasynda birqatar premeralar men mádeni is-sharalar josparlanǵan:
«Astana Balet» teatryndaǵy «Bolero H»
Mihail Lermontov atyndaǵy teatrdaǵy «Jenitba (sovershenno neveroiatnoe snovidenie)»
Quddys Qojamiiarov atyndaǵy Uiǵyr teatrynyń «Býnt nevestok» («Kelinder kóterilisi»)
«Altyn Saqa – 2026» festivali
Ǵabit Músirepov atyndaǵy teatrdaǵy «Teatr túni»
Qazaqstanda teatr óneri kórermen suranysyna ie, damyp kele jatqan ári halyqaralyq deńgeide moiyndalyp otyrǵan mádeni salalardyń biri. Dúniejúzilik teatr kúni osy jetistikterdi aiqyndai túsetin mańyzdy mereke bolyp otyr.
