Dini nanym-senim bostandyǵy, toleranttylyq Qazaqstan memleketiniń basty ustanymdarynyń biri. Sondyqtan da elimizde elishilik, óńirlik jáne halyqaralyq deńgeilerde osy baǵytta túrli is sharalar ótkizilip turady.
Solardyń biri - elordada dástúrli turde jyl saiyn ótkizilip turatyn Álemdik jáne dástúrli dinder liderleriniń sezi.
Ataýly sharaǵa islam, hristian, iýdaizm, býddizm siiaqty ár túrli dinderdiń júzdegen ókilderi qatysady, kóshbasshylary minberden óz taqyryptaryn kóterip, usynystaryn ortaǵa salady. Aýqymdy sharada dinder arasyndaǵy dialog, tatýlyq pen ekstremizm máseleleri talqylanady.
Budan bólek elimizde 2024 jyldan bastap Jas dini liderler forýmdary uiymdastyrylatyn boldy. Forýmda óskeleń urpaqtyń dini toleranttylyǵyn kúsheitý úshin atqarylatyn jumystar, jastar arasynda radikalizmniń aldyn alý sharalary talqylanyp, sheshimi qarastyrylady.
Aita keteiik, elimizde dini birlestikterdiń turaqty kezdesýleri ótip turady. Memlekettik organdardyń qatysýymen turǵyndardyń dini kózqarasynda beibitsúigishtikti, toleranttylyqty qalyptastyrý maqsatynda túrli jiyndar ótip turady.
Qazaqstan musylmandary dini basqarmasy, pravoslavie shirkeýi jáne basqa konfessiialar uiymdastyratyn qaiyrymdylyq is-sharalary, mádeni sharalar jáne memlekettik organdardyń qatysýymen ótetin toleranttylyqqa baǵyttalǵan jiyndar ótkizilip turady.
Osy ispettes jiyndar men is-sharalar elimizdiń dini toleranttylyqty damytý, beibitsúigishtik pen kelisimdi nyǵaitý baǵytynda jasap jatqan jumysyn kórsetedi.
