Densaýlyq saqtaý ministrliginiń habarlaýynsha, 26 qyrkúiek kúni 1878 adamnyń PTR testi oń nátije kórsetken. Odan bir kún buryn 32 adamǵa "kovidtektes pnevmoniia" diagnozy qoiylǵan. Sol kúni koronavirýstan taǵy 35 adamnyń qaitys bolǵany málim bolǵan. Biraq aldyńǵy kúndermen jáne ailarmen salystyrǵanda koronavirýs kórsetkishteriniń tómendegeni baiqalady. Kúndelikti naýqas sany maýsymnyń sońynan beri 2 myńnan tómen túspegen.
Maýsymnyń sońynda Qazaqstanda koronavirýstyń "delta" varianty tirkelip, sodan beri kúndelikti anyqtalatyn naýqas sany men ólim kórsetkishi kúrt artty. Tamyzdyń alǵashqy jartysynda sharyqtaý shegine jetip, kúnine shamamen 8 myń naýqas, 150 ólim tirkelip júrdi. Biraq keiingi aida indettiń beti qaityp, aýrýdyń taraýy tejele bastady.
26 qyrkúiektiń dereginshe, burynǵysha Almaty qalasy aimaqtar kóshin bastap tur. Onda koronavirýspen bir kúnde 485 naýqas tirkelgen. Odan keiingi oryndarda Nur-Sultan (186 naýqas), Qaraǵandy (184 naýqas), Pavlodar (164 naýqas) jáne Almaty (162) oblystary tur.
Elde indet bastalǵaly barlyǵy 878 990 myń adamnyń analizinen koronavirýs infektsiiasy anyqtalǵan. Onyń ishinde 11 065 adam qaitys bolǵan. Byltyr 1 tamyzdan beri sanalyp kele jatqan "kovidtektes pnevmoniiamen" osyǵan deiin 75 305 adam tirkelgen. Onyń 4,8 myńy qaitys bolǵan.
27 qyrkúiektegi málimet boiynsha ele 63 845 adam koronavirýs infektsiiasynan (55 042 KVI+ jáne 8 803 KVI-) emdelip jatyr. Olardyń ishinde: 11 543 patsient statsionarda, 52 302 naýqas ambýlatoriialyq deńgeide em qabyldaýda.
KVI+, KVI- shaldyqqandardyń arasynda:
895 adamnyń jaǵdaiy aýyr,
222 patsienttiń jaǵdaiy óte aýyr,
142 naýqas ÓJJ apparatynda jatyr.
