"2016 jyly Qazaqstanda xalyqaralyq standarttarǵa sai kelmeitin 6 túzeý mekemesi jabylady. Bul týraly búgin QR IIM Qylmystyq-atqarý júiesi komiteti tóraǵasynyń orynbasary Azamat Bazylbekov málim etti", - dep habarlaidy Ult.kz tilshisi QazAqparat agenttigine silteme jasap.
"Rasynda, Qazaqstandaǵy túzeý mekemeleriniń basym bóligi xalyqaralyq standarttarǵa sai kelmeidi. Sebebi olar bizge sonaý GÝLAG zamanynan muraǵa qalǵan. Ol kezde olar negizinen Qaraǵandy oblysynda kóp shoǵyrlandy", - deidi ol Ortalyq kommýnikatsiialar qyzmetinde ótken baspasóz máslixatynda.
Onyń sózi boiynsha, Úkimet jáne IIM túzeý mekemelerindegi jaǵdaidy jaqsartý boiynsha jumystardy atqarýda.
"Jóndeý jáne jańǵyrtý jumystary qolǵa alyndy. Sońǵy úsh jylda tórt túzeý mekemesi tolyqtai jóndeldi. Aǵymdaǵy jyly taǵy bireýi jóndeledi. Bul túrmelerdiń barlyǵy xalyqaralyq normalarǵa sai keledi jáne árbir sottalýshyny jeke-jeke ornalastyrýǵa múmkindik beredi. Bul sottalýshylardyń qaýipsizdigin qamtamasyz etetin eń birinshi shart.
Sonymen qatar mekemelerdi qysqartý, ońtailandyrý jáne olardy jabý boiynsha sharalar qabyldanýda. Eki jyldyń ishinde biz eki mekemeni japtyq jáne aǵymdaǵy jyly taǵy altaýyn jabamyz", - dep atap ótti A. Bazylbekov.
