Memleket basshysynyń tapsyrmasy boiynsha 12 mamyrda Nur-Sultan qalasynda UQK Tóraǵasy Kárim Másimov Qazaqstan Respýblikasy Terrorizmge qarsy ortalyǵynyń kezekten tys otyrysyn ótkizdi. Bul týraly UQK habarlady.
Is-shara barysynda Resei Federatsiiasynyń Qazan qalasyndaǵy № 175 mektep-gimnaziiasynda jaqynda oryn alǵan qaiǵyly oqiǵanyń mán-jaiy qaraldy.
Qazaqstan Respýblikasyndaǵy bilim berý mekemeleriniń aǵymdaǵy qaýipsizdik jai-kúii jáne oqýshy jastardyń radikaldanýyna jol bermeý boiynsha qabyldanyp jatqan sharalar talqylandy.
Bilim berý júiesi obektilerin kirýdi baqylaý men dabyl belgisin berýdiń tiisti tehnikalyq quraldarymen nyǵaitý boiynsha sheshimder ázirlendi.
Jastar ortasynda zorlyq-zombylyq aktsiialaryn nasihattaý jáne ony daiyndaý belgilerin anyqtaý mánine áleýmettik jeliler men Internetti monitoringteý tiimdiligin arttyrý joldary aiqyndaldy.
Balalar men jasóspirimder arasynda quqyq buzýshylyqtardyń aldyn alý, sondai-aq olarǵa ýaqtyly psihologiialyq kómek kórsetý sharalary jetildirildi.
TQO otyrysynyń nátijeleri boiynsha tiisti hattamaǵa qol qoiyldy.
Eske sala keteiik, 11 mamyrda Qazan qalasyndaǵy Faizi kóshesindegi mektepte belgisiz eki adam oq jaýdyrǵan bolatyn.
Atys kezinde 8 adam qaza taýyp, taǵy 21 adam zardap shekkeni habarlaǵan edi.
Aita keteiik, memleket basshysy Qasym-Jomart Toqaev Qazan qalasyndaǵy gimnaziiada reseilik oqýshylardyń qaza tabýyna bailanysty Resei Federatsiiasynyń Prezidenti Vladimir Pýtinge kóńil aitty.
Qaiǵyly jaǵdaiǵa bailanysty Tatarstan Prezidenti Rýstam Minnihanov 12 mamyrdy respýblikada aza tutý kúni dep jariialaǵan bolatyn.
