Foto:depositphotos.com
Energetika ministrligi, Qarjy ministrligi, Ishki ister ministrligi jáne UQK "Qazaqstan aýmaǵynan munai ónimderin áketýdiń keibir máseleleri týraly" birlesken buiryqqa ózgeris engizdi, - dep habarlaidy Ult.kz.
Qujatta, Qazaqstan Respýblikasy aýmaǵynan, onyń ishinde Eýraziialyq ekonomikalyq odaqqa múshe memleketterge avtomobil kóligimen benzinderdi, dizel otynyn jáne munai ónimderiniń jekelegen túrlerin áketýge alty ai merzimge tyiym salý engizilsin, dep jazylǵan.
Buǵan óndirýshi kórsetken kólikterdiń gaz tsisternalarynda tasymaldanatyn mailaý mailary men janarmai kirmeidi. Ǵylymi zertteýler, biliktilik jáne zerthanalyq synaqtar maqsatynda aviatsiialyq janarmaidy áketýge de ýákiletti organdarmen kelisim boiynsha ruqsat etiledi.
Bul tyiym munai ónimderiniń ishki naryǵyn turaqtandyrýǵa jáne eldegi yqtimal janarmai tapshylyǵynyń aldyn alýǵa baǵyttalǵan, dep habarlady Energetika ministrligi.
Buiryq 2025 jyldyń 29 qańtarynda kúshine endi.
