QR Bilim jáne ǵylym ministrligi Balalar quqyqtaryn qorǵaý komiteti tóraǵasynyń orynbasary Iýliia Ovechkina jaz mezgilinde balalar lagerleri qalai jumys isteitinin túsindirdi, - dep habarlaidy "Ult aqparat".
«Biylǵy jaz mezgili 3 mln 57 myń oqýshy úshin byltyrǵa qaraǵanda ózgeshe bolady. Sondyqtan jazǵy demalysty uiymdastyrýda ózindik erekshelikter engiziledi. Komitet tarapynan bul turǵyda úsh baǵyt aiqyndaldy. Birinshiden, lagerler uiymdarynyń jumysy. Ekinshiden, balalalardy jazǵy sharalarmen qamtý, onyń ishinde jekelei sanattaǵy balalarǵa jaǵdai jasaý. Úshinshiden, qaýipsizdik sharalaryn qamtamasyz etýge ekpin qoiylady. Balalarǵa arnalǵan saýyqtyrý lagerleri, ortalyqtar, keshender, qala mańyndaǵy lagerler qyzmetin jandandyrý sheshimi sanitarlyq normalardy saqtaý shartymen jergilikti atqarý organdary tarapynan qabyldanady», - dep túsindirdi Iu. Ovechkina onlain baspasóz máslihatynda.
Onyń sózine qaraǵanda, búginde balalar lagerleri 8 maýsymnan eki óńirde, 15 maýsymnan 12 óńirde, al 20 maýsymnan taǵy eki óńirde ashylatynyn belgili boldy. Shymkent qalasynda lagerler 8 maýsymda, elordada 20 maýsymda ashylady.
«Almatyda mektep janyndaǵy jáne qala syrtyndaǵy balalar lagerleri uiymdastyrylmaityny týraly sheshim qabyldandy. Aldyn ala málimetter boiynsha 12 154 lagerlerdiń ishinde tek 65 paiyzy jumys isteidi. Lagerlerge bara almaityn qalǵan oqýshylar ne isteidi? Osy maqsatta biz mektep janyndaǵy uiymdardyń qyzmetin kúsheittik. Olardyń barlyǵy balalardy tolyqtai qamtýǵa daiyn, onyń ishinde onlain forma da bar», - dedi komitet ókili.
