Foto: Gov.kz
Eńbek jáne halyqty áleýmettik qorǵaý ministrliginiń málimetinshe, 2025 jylǵy 1 sáýirdegi jaǵdai boiynsha, Qazaqstanda 83 048 ardager turady, dep habarlaidy Ult.kz.
Onyń ishinde:
-
Uly Otan soǵysynyń (UOS) ardagerleri – 111 adam;
-
Jeńildikter boiynsha UOS ardagerlerine teńestirilgender – 16 796 adam;
-
Basqa memleketterdiń aýmaǵyndaǵy urys qimyldarynyń ardagerleri – 26 553 adam;
-
UOS jyldaryndaǵy tyl eńbekkerleri – 39 588 adam.
2025 jyly osy sanattaǵy azamattarǵa 4,3 milliard teńge kóleminde arnaýly memlekettik járdemaqy tólengen. Jyl boiy bul maqsattarǵa 17 milliard teńge bólingen.
Ardagerlerge tólenetin járdemaqylar mólsheri
Respýblikalyq biýdjetten ardagerlerge ai saiynǵy arnaýly memlekettik járdemaqy barlyq sanattarǵa áleýmettik tólemderden bólek kelesi mólsherde tólenedi:
-
UOS ardagerleri – 16 AEK (2025 jyly 62 912 teńge).
-
Jeńildikter boiynsha UOS ardagerlerine teńestirilgender:
-
Jaraqat, kontýziia nemese aýrý saldarynan múgedektigi bar adamdar – 7,55 AEK (2025 jyly 29 687 teńge).
-
UOS qatysýshylaryna jeńildikter boiynsha teńestirilgen tulǵalar – 6,19 AEK (2025 jyly 24 339 teńge).
-
-
Basqa memleketterdiń aýmaǵyndaǵy urys qimyldarynyń ardagerleri:
-
Aýǵanstandaǵy urys qimyldaryna qatysýshylar – 6,19 AEK (2025 jyly 24 339 teńge).
-
Tájik-Aýǵan shekarasyn qorǵaý, Iraktaǵy bitimgershilik operatsiia jáne Taýly Qarabaqtaǵy etnosaralyq qaqtyǵystarǵa qatysýshylar – 4,8 AEK (2025 jyly 18 874 teńge).
-
-
UOS jyldaryndaǵy tyl eńbekkerleri – 2,13 AEK (2025 jyly 8 376 teńge).
Memleket ardagerlerge qoldaý kórsetýge erekshe nazar aýdaryp, olardyń ómir súrý sapasyn jaqsartý úshin barlyq qajetti sharalardy qabyldaýda.
