Foto: QR Densaýmin
Qazaq onkologiia jáne radiologiia ǵylymi-zertteý institýtynyń (QazORǴZI) dárigerler komandasy Qazaqstandaǵy alǵashqy joǵary tehnologiialyq robottandyrylǵan onkohirýrgiialyq operatsiiany — keńeitilgen limfodissektsiiasy bar nefredrenalektomiiany sátti jasady, dep habarlaidy Ult.kz.
Biregei hirýrgiia onkologiialyq aýrýdyń damyǵan satysynda jasalady jáne zaqymdalǵan búirekti, búirek ústi bezin jáne aimaqtyq limfa túiinderin alyp tastaýdy qamtidy.
Operatsiia jańa býynnyń robottandyrylǵan hirýrgiialyq platformasy — Sage bot SR–2000 kómegimen sátti jasaldy, ol kúrdeli klinikalyq jaǵdailarda da az invazivti aralasýdy júzege asyrýdyń keń múmkindikterine ie.
Buryn qoldanylǵan jartylai avtomatty júielerden aiyrmashylyǵy,Sage bot SR–2000 paidalaný hirýrgiialyq dáldiktiń, beineleýdiń jáne baqylaýdyń sapaly jańa deńgeiine qol jetkizýge múmkindik berdi. Bul buryn tehnikalyq turǵydan qol jetkizý qiyn dep sanalǵan onkologiialyq aýrýlardy emdeýdiń jańa perspektivalaryn ashady.
Robottandyrylǵan operatsiianyń artyqshylyqtary:
- • Obyrdyń keń taralǵan túrlerinde tiimdiliktiń joǵarylaýy;
- • Aralasý kólemin saqtai otyryp, tinderdiń eń az jaraqaty;
- • Dáldikti jaqsartý úshin operatsiialyq óristi 3D-vizýalizatsiialaý;
- • Quraldardyń mikrohirýrgiialyq manevrligi;
- • Operatsiialyq topqa fizikalyq júktemeni azaitý;
- • Patsientti qorǵaýdyń intellektýaldy júieleri.
«Bul oqiǵa Qazaqstanda onkohirýrgiiany damytýdaǵy mańyzdy kezeń boldy. Biz ozyq tehnologiialardy engizý patsientterge eń kúrdeli klinikalyq jaǵdailarda da kómek kórsetýge múmkindik beretinin maqtan tutamyz», - dep atap ótti QazORǴZI direktory Bekmuhambetov Erbol Jasulanuly.
QazORǴZI praktikasyna robottandyrylǵan hirýrgiiany sátti engizý institýttyń tehnologiialyq kóshbasshylyq kýrsyn jáne qazaqstandyq patsientterdiń zamanaýi jáne tiimdi emdeý ádisterine qol jetkizýin qamtamasyz etýge umtylysyn rastaidy.
