Foto: Úkimet
Kólik ministri Nurlan Saýranbaev Úkimet otyrysynda respýblikanyń avtojol salasyn damytýdyń aǵymdaǵy jaǵdaiy men josparlary týraly baiandady, dep habarlaidy Ult.kz.
Ol Qazaqstanda 95 myń shaqyrym avtomobil joldary baryn, onyń 25 myń shaqyrymy Kólik ministrligine qaraityn respýblikalyq mańyzy bar joldar ekenin atap ótti. Normativtik jaǵdaiy 94%-dy quraidy. Al 70 myń shaqyrymy oblystyq jáne aýdandyq joldar jergilikti organdarǵa qaraidy. Onyń normativtik jaǵdaiy 91%.
Aldaǵy úsh jyldyń ishinde jergilikti organdarmen birge óńirlik joldardyń jumystaryn 5 ese arttyrý josparlanýda. Jumystyń nátijesinde 32 myń shaqyrym óńir joldarynyń normativtik deńgeii 95%-ǵa deiin jetedi.
"Bul jumystardy atqarý úshin vedomstvolyq normativterge tiisti ózgerister qabyldandy. Qazirgi ýaqytta standarttarǵa ózgerister engizý jumysy aiaqtalyp jatyr. Sonymen qatar ótken aptada ákimshilikterdiń ókilderimen jinalys ótkizildi. Túsinistik bar, jergilikti organdar jumystaryna kirisip jatyr", — dep atap ótti Nýrlan Saýranbaev.
Ministr búginde Qazaqstanda 7 avtokólik dálizi qalyptasqanyn aitty. 4 úlken jobany aiaqtaldy: «Qalbataý – Maiqapshaǵai», «Taldyqorǵan – Óskemen», «Atyraý – Astrahan» jáne «Qaraǵandy – Almaty». Bul joldardyń jalpy uzyndyǵy 2000 shaqyrym.
Jekelegen dálizderdiń qarqyny men jumysynyń artýyn eskere otyryp, óz sheginde olardy odan ári damytý jáne jekelegen ýchaskelerde jańǵyrtý josparlanýda.
