Foto: Pexels.com
Astanada Ulttyq onkologiia ortalyǵynda arnaiy brifing ótip, dárigerler men sarapshylar eldegi onkologiialyq aýrýlardyń qazirgi jaǵdaiy týraly aqparat usyndy, dep habarlaidy Ult.kz.
Ulttyq ǵylymi onkologiialyq ortalyqtyń basqarma tóraǵasy Jandos Búrkitbaevtyń málimetinshe, sońǵy 20 jylda Qazaqstanda qaterli isik aýrýynyń kórsetkishi 29,4%-ǵa artqan.
«Máselen, 2004 jyly 29 157 qaterli isik aýrýy tirkelse, 2024 jyly 41 293 jaǵdai anyqtaldy. Jynysyna qarai bólinetin bolsaq, áielder erlerge qaraǵanda jii aýyrady. Áielder arasynda aýrýdy anyqtaý kórsetkishi 43% bolsa, erlerde 57% quraidy», - dedi Jandos Búrkitbaev.
Dárigerler mundai jaǵdaidy sút bezi qaterli isiginiń kóp taralýymen bailanystyrdy.
Qazaqstandyqtar arasynda keń taralǵan onkologiialyq aýrýlardyń qataryna mynalar jatady:
- 1-oryn – sút bezi obyry – 13,7% (5 652 jaǵdai);
- 2-oryn – toq ishek obyry (kolorektaldy qaterli isik) – 9,8% (4029 jaǵdai);
- 3-oryn – ókpe obyry – 9,3% (3833 jaǵdai).
Qaterli isiktiń jii kezdesetin sebepteri: temeki shegý, semizdik, virýstar men bakteriialar, ýltrakúlgin sáýleler, alkogol jáne himiialyq kartsinogender.
