Nur-Sultan qalasynyń bas memlekettik sanitar dárigeri Sarhat Beisenova elordadaǵy koronavirýstyń omikron shtamyn anyqtaý jumysyn aityp berdi, dep habarlaidy QazAqparat.
«Eki aida bir ret qalanyń epidemiologiialyq qyzmeti, búkil respýblika sekildi qandai virýs basym ekenin baqylaý úshin koronavirýs infektsiiasynyń shtamdaryn anyqtaý jáne zertteý boiynsha monitoring júrgizedi», - dedi S. Beisenova elorda ákimdiginde ótken brifingte.
Onyń aitýynsha, qazirgi ýaqytta PTR-synamalardyń birqatary zertteý satysynda tur.
«Qazirgi ýaqytta «omikron» álemniń kóptegen elderinde taralǵandyqtan, biz Densaýlyq saqtaý ministrligi men sanepidbaqylaý komitetinen oń PTR-zertteý synamalaryn sekvindeý úshin zerthanaǵa jetkizý týraly tapsyrma aldyq. Búgingi tańda biz materialdy Saraptama ortalyǵy zerthanasynyń Nur-Sultandaǵy filialyna jetkizdik. Iaǵni, qazir 35 synama zertteý satysynda tur. Sonyń nátijesinde biz elordada jáne jalpy respýblika boiynsha «omikron» ainalymy bar-joǵyn aita alamyz. Bul jumys jalǵasyp jatyr», - dedi S. Beisenova.
