De Montfort University
Almatyda úsh halyqaralyq ýniversitet ashylady. Bul týraly qala ákimi Baqytjan Saǵyntaev «Almaty» telearnasynyń tikelei efirinde ótken «Almatyny damytý 2021: Jahandy iskerlik ortalyq» atty jańa jobalardyń onlain tanystyrylymynda málim etti, dep habarlaidy "Ult aqparat".
Almaty ákiminiń aitýynsha, biyl 1 qyrkúiekten Ulybritaniianyń Lester qalasyndaǵy De Montfort ýniversitetiniń filialy óz jumysyn bastaidy. Qazir Úkimetten litsenziia aldy.
Biylǵy jospar – 300 stýdent qabyldaý. Eger usynys kóp bolsa, bakalavriatqa 400 stýdent, jyl sońyna deiin 90 magistrant qabyldaý josparda.
«Bul ýniversitettiń kampýsyn salý úshin Qulja trassanyń oń jaǵynan jer bóldik. Keler jyldyń basynda ýniversitettiń qurylysy bastalady», – dedi qala ákimi.
Britandyq ýniversitettiń filialy QR Úkimetiniń qaýlysymen ashyldy. Qazaqstandyq oqýshylardyń Angliiaǵa barmai-aq qoljetimdi baǵamen sapaly bilim alýyna múmkindik týady. Ýniversitet aimaqtaǵy talantty jastarǵa shákirtaqy da usynady.
Sonymen qatar, qala ákimi taǵy eki ýniversitpen kelissózder júrgizilgenin aitty.
«Pandemiia kezinde biz tsifrlandyrýǵa kóp kóńil bóldik. Densaýlyq salasyndaǵy kásiporyndardy bir jerge jinaqtap, farmklaster jasasaq jáne sonyń qasynda sol jerde qyzmet etetin jumysshylardy oqytatyn ýniversitet ashsaq degen ideiamen Úkimetke shyqtyq. Úkimet bizdi qoldady. Tsifrlyq dúnieni damytýǵa kelgende, Nazarbaev ýniversiteti tarapynan usynys boldy. Atalǵan joǵary oqý ornynyń ishinen ashylatyn «Jasandy intellekt» mektebin Almatydaǵy erkin aimaqqa ornalastyrsaq degen usynys keldi. Óitkeni Almatyda osyǵan bailanysty baza tolyq daiyn», – dedi Baqytjan Saǵyntaev.
Tsifrlyq salada qyzmet etetin kompaniialardyń 70 paiyzy Almatyda ornalasqan. Barlyq IT kompaniia, negizgi zertteý ortalyǵy da megapoliste.
«Biz bul usynysty qýana qabyldadyq. Sonymen qatar, Alma ýniversiteti men Arizona memlekettik ýniversiteniniń tarapynan Almaty qalasynan qosymsha ýniversitet ashýǵa birikken usynys tústi. Álemdik ýniversitetterdiń kampýs júiesimen salynatyn, stýdenterdiń sol jerde turyp oqityn, muǵalimderi de turatyn ózinshe bir qalashyq, kampýs bolmaq», – dedi Almaty ákimi.
Qalada jańa talapqa, jańa tehnologiiaǵa, tsifrlyq tehnologiiaǵa, innovatsiiaǵa bailanysty úsh birdei ýniversittiń ashylýy qýanyshty jańalyq.» Qalanyń ekonomikalyq qurylymyn ózgertýge jastar da atsalysý kerek. Olardyń sapaly bilim alýyna halyqaralyq úsh ýniversitettiń alar orny erekshe.
Sonymen qatar, qala ákimi ǵylymnyń damýyna da múmkindik týatynyn aitty.
«Eń aldymen óndiriske paidaly, qalanyń erkin aimaǵyndaǵy, indýstrialdy aimaǵyndaǵy kásiporyndarǵa, jalpy eldegi kásiporyndar óziniń bazasyn kúsheitý, ekonomikalyq áleýetin kóterý úshin jańa tehnologiiany osy jerdegi zerthanalardan ala alady. Bul qala ekonomikasyn basqa deńgeige kóteredi»,- dep túiindedi shahar basshysy.
