Aýyl sharýashylyǵy ministrligi aýyldyq jerlerdegi veterinarlyq zerthana ǵimarattaryn COVID-19 virýsyna PTR-zertteý júrgizý úshin ýaqytsha Densaýlyq saqtaý ministrligine qoldanýǵa beredi. Bul jóninde "Ult aqparat" vedomstvonyń baspasóz qyzmetine silteme jasap habarlaidy.
Meditsinalyq jáne veterinarlyq zerthanalar álem boiynsha teń dárejeli mártebege ie. Sondyqtan Veterinarlyq meditsina jáne meditsina salasyndaǵy halyqaralyq uiymdar, sonyń ishinde HEB, FAO jáne DDSU pandemiia kezinde koronavirýs infektsiiasymen kúreste veterinarlyq zerthanalardy paidalanýdy usynady.
«Osyǵan orai elimizde PTR-testileý múmkindigin keńeitý úshin Densaýlyq saqtaý ministrligine 1 tamyzdan bastap Qazaqstannyń 11 aimaǵynda ornalasqan 24 veterinarlyq zerthananyń mamandandyrylǵan ǵimaraty qoldanysqa usynylady. Paidalanýǵa beriletin barlyq test oryndary zerthanalardyń ekinshi qabattarynda ornalasady. Mikroorganizmderdiń patogendiligi II-IV toptarymen jumys isteý talaptaryna sáikes keledi: olardyń jeke kireberisteri, sanitarlyq qaqpalary jáne biologiialyq qaýipsizdik jáshikteri bar. Bul veterinarlyq zerthanalardyń birinshi qabattarynda negizgi baǵyttar boiynsha óz jumystary jalǵasa beredi» delingen habarlamada.
Sonymen qatar, shalǵaidaǵy aýyldyq jerlerde diagnostikalyq zertteýler júrgizý úshin jyljymaly veterinarlyq zerthana qoldanylady.
Ǵimarat jáne jyljymaly zerthanamen birge PTR jabdyqtarynyń 26 jiyntyǵy beriledi dep josparlanýda. Sondai-aq, Aýyl sharýashylyǵy ministrligi Respýblikalyq veterinarlyq zerthanadan jáne Ulttyq agrarlyq ǵylymi-bilim berý ortalyǵynan adamdar men janýarlarǵa qaýipti infektsiialar diagnozyn anyqtaý tájiribesi bar 67 bilikti mamandy issaparǵa jiberedi.
Bir aita keterligi, janýarlardyń juqpaly aýrýlaryn diagnostikalaýdyń PTR ádisi is júzinde koronavirýstyq infektsiiany PTR diagnostikalaý ádisimen uqsas. Jalǵyz aiyrmashylyq - qoldanylatyn test júiesinde. Sondyqtan álemniń kóptegen jetekshi elderi COVID-19 pandemiiasymen kúreste veterinarlyq zerthanalardyń múmkindigin paidalanýda.
Esterińizge sala keteiik, keshe ótken QR Úkimetiniń otyrysynda Premer-Ministr Asqar Mamin óńirlerdegi jaǵdaidy retteý úshin respýblikanyń veterinarlyq qyzmet zerthanalarynyń múmkindikterin paidalanýdy usynǵan bolatyn.
