Qoǵam qairatkeri, atyraýlyq jýrnalist Arman Hairýllin 2021 jyldy «Ekologiia jyly» dep jariialaýdy usyndy, dep habarlaidy QazAqparat.
«Atyraýda búgin ekologiialyq apokalipsis boldy deýge negiz bar. Toqsanynshy jyldardan búginge deiin aýa basseinine 4 mln tonna ýytty zattar shyǵarylǵan eken. Osynyń barlyǵy bizdiń densaýlyǵymyzǵa ziian keltirip otyr. Shaqalaqtardyń shetineýi jáne de túrli patologiialar boiynsha alda kele jatyrmyz. Meniń usynysym – bizdiń Ekologiia ministrligin quryp bergen prezidentimiz Qasym-Jomart Toqaev keler 2021 jyldy Ekologiia jyly dep jariialasa eken. Jiyrma jylda birde-bir Ekologiia jyly jariialanǵan joq. Qazaqstandyqtardy osy usynysymdy qoldaýǵa shaqyramyn, - dedi Arman Hairýllin «Ekologiialyq bilim: qazaqstandyq qoǵamda ekologiialyq bilim berý, ekologiialyq mádenietke tárbieleý jáne qalyptastyrý» atty dóńgelek ústel otyrysynda.
Spiker jergilikti deńgeide atqarýshy organdarmen birlesip, kóptegen jobalardy júzege asyryp jatqanyn jetkizdi.
«Búgingi jiynǵa qatysýshylar, ministr hanym (Aqparat jáne qoǵamdyq damý ministri Aida Balaeva – red.), sizdiń de tarapyńyzdan basqa da kóterip júrgen máselelerimizdi qoldasańyz, qoian-qoltyq jumys isteýge qatyssańyz degen tilegimiz bar. Tikelei interaktivti bailanys ornataiyq. Ekologiia ministrligi de senbilikterdi uiymdastyrýdan bólek, keleli úlken máselelermen júieli túrde ainalysýy kerek. Ult densaýlyǵyna qaýip tóndiretin taqyryptarmen ainalysý kerek, - dedi qoǵam qairatkeri.
