2021 jylǵy 1 jeltoqsandaǵy jaǵdai boiynsha 15 527 shetel azamaty jergilikti atqarýshy organdardyń ruqsaty boiynsha Qazaqstan aýmaǵynda eńbek qyzmetin júzege asyrýda.
Bul týraly Eńbek jáne halyqty áleýmettik qoldaý mministrliginiń baspasóz qyzmeti habarlady.
Sheteldik jumys kúshin tartýǵa berilgen ruqsattardyń ishinde mynadai sanattar bar: birinshi sanat – 643 (basshylar jáne olardyń orynbasarlary), ekinshi sanat – 3 210 (qurylymdyq bólimshelerdiń basshylary). Tartylǵan ShJK-niń negizgi bóligi úshinshi (mamandar) jáne tórtinshi (bilikti jumysshylar) sanattarǵa jatady – tiisinshe 7 748 adam jáne 735 adam. Sondai-aq maýsymdyq jumystarǵa – 1 134 adam, al korporativtik aýystyrý sheńberinde – 2 057 adam tartylǵan.
Qazirgi ýaqytta Qazaqstanda ShJK paidalanatyn 1 261 jumys berýshi bar. Olarda shamamen 460 myńnan astam Qazaqstan azamattary jumys isteidi, bul jalpy jumysshylar sanynyń 97%-yn quraidy.
Eńbekshi migranttar shyǵatyn negizgi elder kelesi: Qytai – 3 784 adam, Ulybritaniia – 1 996 adam, Túrkiia – 1 985 adam, Úndistan – 1 182 adam, Ózbekstan – 1 138 adam.
Esterińizge sala keteiik, ishki eńbek naryǵyn qorǵaý maqsatynda, QR Eńbek jáne halyqty áleýmettik qorǵaý ministrligi jyl saiyn elimizge sheteldik mamandardy tartýǵa arnalǵan kvota belgileidi. 2021 jyly kvota mólsheri jumys kúshine shaqqanda 0,31%-dy nemese 29,3 myń birlikti qurady.
