Foto: ashyq derekkóz
QR Tsifrlyq damý, innovatsiialar jáne aeroǵarysh ónerkásibi ministrligi «Qazaqstannyń inkliýzivti ekonomikasy úshin jedeldetilgen tsifrlandyrý» jobasynyń bastalǵanyn jáne bailanys operatorlary úshin úlestik granttar alýǵa ashyq konkýrs jariialanǵanyn habarlady.
Konkýrs atalǵan jobany iske asyrý aiasynda ótkiziledi. Negizgi maqsat – aýyldyq jerlerde telekommýnikatsiialyq infraqurylymdy damytý jáne aýyl turǵyndaryn jyldamdyǵy keminde 100 Mbit/s bolatyn internet jelisimen qamtamasyz etý.
- Joba jergilikti internetke qoljetimdilik jelisi joq 1 123 aýyldyq eldi mekende talshyqty-optikalyq bailanys jelilerin salýdy kózdeidi.
Jobany júzege asyrý nátijesinde 445 myńnan astam úi sharýashylyǵy qosylyp, shamamen 2,3 million adam joǵary jyldamdyqty internetke qol jetkizedi, - delingen aqparatta.
Joba aiasynda bailanys operatorlaryna aýyldyq jerlerde telekommýnikatsiialyq jelilerdi salýǵa jumsalǵan rastalatyn kúrdeli shyǵyndardyń 50 paiyzyna deiingi mólsherde qaitarymsyz úlestik granttar beriledi.
Qurylys jumystary operatorlardyń óz qarajaty esebinen júrgiziledi. Salynǵan infraqurylym olardyń teńgeriminde qalady.
Qatysýshylardy irikteý teń qoljetimdilik, ashyqtyq jáne eseptilik qaǵidattaryn saqtai otyryp, ashyq konkýrs negizinde júzege asyrylady.
