AQSh Memlekettik hatshysynyń kómekshisi Donald Lý Qazaqstanǵa Pfizer vaktsinasyn jetkizý máseleleri jóninde pikir bildirdi, dep habarlaidy QazAqparat.
«Biz koronavirýs, Qazaqstannyń Pfizer vaktsinasyn satyp alýy jáne vaktsina boiynsha kómek kórsetý máseleleri boiynsha yntymaqtastyqqa qatysty birqatar kelissóz júrgizdik. Sondai-aq, biz QazVac otandyq vaktsinasyn ázirleý salasyndaǵy yntymaqtastyqty, COVID-19 naýqastaryn emdeýdegi tehnikalyq konsýltatsiialar úshin jabdyqtar usyný máselelerin talqyladyq. Pandemiia aiasynda seriktestigimiz kúsheiedi dep oilaimyn», - dedi Donald Lý QR Syrtqy ister ministrliginde jýrnalister suraǵyna bergen jaýabynda.
Onyń aitýynsha, qazir Aq úi vaktsinalar boiynsha kómek kórsetý máselelerin qarastyryp jatyr.
«Meniń oiymsha, Qazaqstan vaktsinalar boiynsha kómekke muqtaj emes. Sizder óz vaktsinalaryńyzdy óndirip jatyrsyzdar. Biraq AQSh-qa saparlaý úshin engizilgen jańa shekteýlerden keiin búkil álemde naqty bir vaktsinalarǵa qajettilik bar dep oilaimyn. Múmkindiginshe, sizderge kómekteser edik», - deidi Donald Lý.
Sondai-aq, D. Lý Amerika Qurama Shtattaryna kirý týraly suraqqa jaýap berdi.
«Barsha álemde AQSh-qa barǵysy keletinder úshin bul qiynyraq ekenin bilemin. Qazir biz DDSU-da tirkelgen jáne AQSh-ta maquldanǵan vaktsinalardy alǵandardy qabyldaimyz. Ministrdiń orynbasarymen sóileskende, Qazaqstan QazVac vaktsinasyn DDSU-da bekitý úshin kóp jumys istep jatqanyn bildik. Qazir AQSh-qa kirý úshin Pfizer, Moderna, Johnson & Johnson vaktsinalarynyń tolyq tsiklyn, al basqa vaktsinalar boiynsha eki dozany nemese bir tolyq dozany alý kerek», - dep túsindirdi Donald Lý.
Aita keteiik, búgin QR Syrtqy ister ministriniń orynbasary Aqan Rahmetýllin men AQSh Memlekettik hatshysynyń kómekshisi Donald Lýdyń tóraǵalyǵymen Qazaqstan men AQSh arasyndaǵy Keńeitilgen strategiialyq áriptestik jónindegi komissiia otyrysy ótti.
