Qazaqstan «Spýtin Lait» vaktsinasyn jetkizýge qatysty kelissóz júrgizip jatyr. Bul týraly QR Densaýlyq saqtaý ministri Aleksei Tsoi aitty, dep habarlaidy QazAqparat.
«Jaqyn arada «Spýtin Lait» vaktsinasy bolady. Jetkize salysymen revaktsinatsiia úshin qoljetimdi etemiz. Biz kelissóz jasadyq. Qazir jetkizýge qatysty kelissóz júrgizilip jatyr. Búginde eki joldyń qaisy jyldam bolatyndyǵyn qarastyryp jatyrmyz. Ne ózimizde shyǵaramyz, ne bolmasa tezirek jetkizemiz», - dedi Aleksei Tsoi Úkimet otyrysynan keiin BAQ ókilderine bergen suhbatynda.
Jalpy, ministr dereginshe, QazVac, «Spýtnik V» syndy vaktsinalardyń 1-komponentimen elimizde 8,8 mln-nan astam, ekinshi komponentimen 8,3 mln-nan astam adam egildi. Sonymen qatar 136 myń adam revaktsinatsiia aldy, 188 myń adam Pfizer vaktsinasyn saldyrdy.
