Foto: ashyq derekkóz
Qasym-Jomart Toqaev buǵan deiin Qazaqstan pasportynyń kúshi jyl saiyn artyp kele jatqanyn, bul eldiń yqpaly men tartymdylyǵynyń ósip jatqanyn kórsetetinin atap ótken bolatyn. Onyń aitýynsha, Qazaqstan álemniń ár túkpirinen adamdar úshin ómir súrýge jáne saiahattaýǵa barǵan saiyn jii tańdalatyn elge ainalyp keledi, al qaýipsizdik deńgeii boiynsha kóptegen memleketterden ozyp tur.
Búginde bul sózder jańa mánge ie bolýda. Taiaý Shyǵys elderinen qazaqstandyqtardy evakýatsiialaý aiasynda memleket eń basty qaǵidany kórsetip otyr – óz azamattaryn eshqashan tastamaidy. Qazaqstandyqtar eldiń qoldaýymen otanyna oralýda. Bul bir nárseni naqty dáleldeidi: azamat qai jerde júrse de, ol árdaiym Qazaqstan Respýblikasynyń qorǵaýynda bolady.
