Foto: Gov.kz
Bilim alýshylardyń bilim jetistikteriniń monitoringin baǵalaýdyń ulttyq quraly RCEC halyqaralyq sapa belgisin aldy, dep habarlaidy Ult.kz QR Oqý-aǵartý ministrliginiń baspasóz qyzmetine silteme jasap.
BBJM ulttyq quralynyń halyqaralyq akkreditatsiiadan ótýi onyń senimdiligin, shynaiylyǵyn jáne halyqaralyq sapa standarttaryna sáikestigin rastaidy. BBJM-niń barlyq kezeńderi men protsedýralary PISA, TIMSS jáne PIRLS siiaqty belgili zertteýlerde qoldanylatyn ǵylymi tásilderge negizdelgen.
«BBJM akkreditatsiiasynan ótý elimizdiń baǵalaý salasyndaǵy áleýetin jáne saraptamasyn arttyrýǵa múmkindik berdi. Biz BBJM transformatsiiasy barysynda ázirlengen negizgi qaǵidattar men tásilderdi ulttyq bilim berý júiesin jetildirý aiasynda basqa bilim deńgeilerine engizýdi josparlap otyrmyz. Bul baǵalaý júiesiniń tutastai damýyn jáne balalardyń bilim sapasy týraly obektivti derekter alýdy qamtamasyz etedi», – dedi «Ahmet Baitursynuly atyndaǵy «Taldaý» ulttyq zertteýler jáne bilimdi baǵalaý ortalyǵy» AQ Basqarma tóraǵasy Maǵjan Amanǵazy.
Sonymen qatar akkreditteý Qazaqstannyń Ortalyq Aziia óńirinde bilim berý sapasyn baǵalaý boiynsha birlesken bastamalarǵa kóshbasshylyq etýine biregei múmkindikterdi beredi.
BBJM akkreditatsiiasy 7 kezeńnen turady, olar baǵalaý júiesin ázirleýdi, test suraqtarynyń bazasyn qurýdy, barlyq qatysýshylar úshin nusqaýlyq ázirleýdi, tsifrlyq platformada testileýdi ákimshilendirýdi, halyqaralyq standarttarǵa sáikes nátijelerdi taldaý.
Eske salaiyq, BBJM – mektep oqýshylarynyń bilim sapasyn zerdeleitin qazaqstandyq ulttyq zertteý, ol oqý-tárbie protsesindegi kúshti jáne álsiz tustardy anyqtaýǵa múmkindik beredi. Onyń túpki nátijesi – bilim sapasyn arttyrý úshin ár óńirge keshendi taldaý jasai otyryp, ádistemelik usynystar ázirleý bolyp tabylady.
