Almatyda Biologiialyq qaýipsizdik máseleleri boiynsha kezekti qazaqstandyq-reseilik vedomstvoaralyq konsýltatsiialar ótti, dep habarlaidy "Ult aqparat" QR Syrtqy ister ministrliginiń baspasóz qyzmetine silteme jasap.
Is-shara aiasynda taraptar eýraziialyq keńistiktegi biologiialyq qaýipsizdikti qamtamasyz etý salasyndaǵy isterdiń jaǵdaiy týraly mazmundy pikir almasty. Talqylaý barysynda juqpaly aýrýlardyń aldyn alý jáne biologiialyq qaýipterge birlesip qarsy turý boiynsha yntymaqtastyq máseleleri talqylandy.
Taraptar memleketter arasyndaǵy qatynastardyń artyqshylyǵyn, odaqtastyq sipatyna tolyq sáikes keletin biologiialyq qaýipsizdik máseleleri boiynsha syndarly dialogqa degen kózqaras týraly aitty.
Delegatsiialar atalǵan máseleler boiynsha shart-quqyqtyq bazany keńeitýge múddeliligin rastap, biologiialyq qaýipsizdik salasyndaǵy yntymaqtastyq týraly eki jaqty memorandým jobasyn kelisýde aitarlyqtai progress bar ekenin atap ótti.
Konsýltatsiialardyń kezekti raýndynyń qorytyndysy boiynsha taraptar jalpy kún tártibiniń barlyq tarmaqtary boiynsha ózara is-qimyldy jalǵastyrýǵa kelisti.
