Foto: Aqorda
Qasym-Jomart Toqaev pen Shavkat Mirziioev Buharada Jasandy intellekt boiynsha ótip jatqan jalpyulttyq hakatondy tamashalady, dep habarlaidy Ult.kz Aqordanyń baspasóz qyzmetine silteme jasap..
Memleketter basshylaryna bul saiys IT jáne jasandy intellekt salalaryn meńgergen talantty jastardy taýyp, olarǵa qoldaý kórsetý maqsatynda uiymdastyrylǵany baiandaldy.
Hakaton bilim berý mekemeleri, biznes jáne memlekettik qurylymdar arasyndaǵy yntymaqtastyqty nyǵaitýǵa septigin tigizedi. Hakatonǵa qatysýshylar meditsina, bilim berý tehnologiialary, sondai-aq kásipkerlik baǵyttaryndaǵy naqty mindetterdiń túiinin tarqatýmen ainalysady.
Óńirlik jarysqa myńnan astam jas maman, stýdentter men baǵdarlama ázirleýshiler qatysty.
Prezidentterge Govtech Ózbekstan tsifrlyq úkimetiniń sońǵy ázirlemeleri, kólik, keden, salyq, energetika, densaýlyq saqtaý, áleýmettik qorǵaý, qurylys, ónerkásip salalaryndaǵy tsifrlyq sheshimder tanystyryldy.
