Foto: QR OAM
Úrimshi qalasynda Shanhai yntymaqtastyq uiymyna múshe memleketterdiń bilim ministrleriniń 9-shy keńesi ótti. Jiynda Qazaqstan, Qytai, Resei, Iran, Belarýs, Qyrǵyzstan jáne Ózbekstan elderiniń ókilderi bilim berý salasyndaǵy yntymaqtastyqty keńeitý máselelerin talqylady, dep habarlaidy Ult.kz.
Keńes barysynda básekege qabiletti kadrlardy daiarlaý, akademiialyq bastamalardy júzege asyrý, tsifrlyq tehnologiialar men jasandy intellektti oqý úrdisine engizý taqyryptary kóterildi.
Qazaqstan Respýblikasynyń Oqý-aǵartý ministri Ǵani Beisembaev tehnikalyq jáne kásiptik bilim berý salasyndaǵy áriptestiktiń mańyzdylyǵyn atap ótti. Ol akademiialyq utqyrlyqty damytý, birlesken baǵdarlamalardy engizý jáne kolledjderdi internatsionaldandyrý arqyly kadr daiarlaý sapasyn arttyrýǵa nazar aýdardy.
Is-shara aiasynda ministr Qytaidyń Bilim ministri Hýai Tszinpenmen ekijaqty kezdesý ótkizdi. Kelissózder nátijesinde halyqaralyq biliktiligi bar mamandardy daiarlaityn Qazaqstan-Qytai kásiptik-tehnikalyq kolledjin ashý týraly kelisimge qol jetkizildi. Sonymen qatar, qazaqstandyq mamandardyń jasandy intellekt pen tsifrlandyrý boiynsha biliktiligin arttyrýǵa erekshe mán berildi.
Almaty, Shymkent jáne Jambyl oblysyndaǵy kolledjder Qytaidyń aldyńǵy qatarly oqý oryndarymen tájiribe almasýdy bastap, stýdentter men oqytýshylarǵa zamanaýi tehnologiialarmen jumys isteý múmkindigi berildi.
Sondai-aq, taraptar biylǵy kúzde Almatyda ótetin Inkliýzivti bilim berý jónindegi alǵashqy búkilálemdik kongress aiasynda yntymaqtastyq týraly memorandýmǵa qol qoiýǵa kelisti.
Bul kelisimder Qazaqstan men Qytai arasyndaǵy bilim berý salasyndaǵy áriptestikti jańa deńgeige kóteredi.
