Foto: Aqorda
Iran Islam Respýblikasynyń Prezidenti Oraza ait pen Naýryz meiramdaryna orai Qazaqstan Prezidentiniń atyna quttyqtaý jedelhattaryn joldady, dep habarlaidy Ult.kz.
Masýd Pezeshkian quttyqtaýynda meiirim men berekege toly osy qasterli kúnderi musylman elderi arasyndaǵy tatýlyq nyǵaiyp, ózara yqpaldastyqtyń tereńdeýine septigin tigizetinine senim bildirdi.
Óz kezeginde Memleket basshysy Qasym-Jomart Toqaev Taiaý Shyǵysta turaqtylyq ornaýyna jáne baýyrlas halyqtardyń yntymaǵy beki túsýine tilektes ekenin aitty.
Prezident qasietti Oraza ait pen áz-Naýryzdyń jańarý rýhy Iran halqyna beibitshilik jáne baq-bereke ákelsin degen tilegin jetkizdi.
