Foto: Pexels.com
Oqý-aǵartý ministrligi qysqy demalysty uiymdastyrý úshin óńirlerge «Birtutas tárbie» baǵdarlamasy aiasynda usynystar jiberdi. Bul usynystar qaýipsizdik sabaqtaryn, bilim berý, sporttyq, mádeni jáne shyǵarmashylyq is-sharalardy qamtidy, dep habarlaidy Ult.kz.
Balalardyń qaýipsizdigin qamtamasyz etý - basym mindetterdiń biri. Ásirese mereke kúnderi oqýshylardyń otbasymen ýaqyt ótkizýine erekshe kóńil bólinedi.
Jol-kólik oqiǵalarynyń aldyn alý maqsatynda kóshelerde, syrǵanaqtarda, muz aidyndarynda, sý qoimalary mańynda jáne adamdar kóp jinalatyn oryndarda, sonyń ishinde jármeńkeler men jańajyldyq shyrshalarda qaýipsizdik sharalaryn saqtaý qajet.
Sondai-aq órt qaýipsizdigi de mańyzdy ról atqarady. Ot pen elektr qurylǵylaryn qoldaný kezinde, jańajyldyq girliandalar, shamdar men bengal shamdaryn paidalanǵanda qaýipsizdik erejelerin qatań saqtaý kerek.
Eske sala keteiik, osy oqý jylynda qysqy demalys 30 jeltoqsannan 8 qańtarǵa deiin 10 kúnge sozylady. Al birinshi synyp oqýshylary úshin 2025 jyldyń 10-16 aqpan aralyǵynda 7 kún qosymsha demalys beriledi.
