Foto: Pexels.com
Qazaqstan Respýblikasy Oqý-aǵartý ministrligi Tehnikalyq jáne kásiptik bilim berý uiymdary arasynda respýblikalyq «TOP — 100 stýdent» konkýrsynyń bastalǵany týraly habarlaidy, dep jazady Ult.kz.
Maqsaty — tehnikalyq jáne kásiptik bilim berý júiesiniń talantty jáne perspektivaly stýdentterin anyqtaý jáne qoldaý, sondai-aq Qazaqstan ekonomikasynyń túrli salalary úshin joǵary bilikti mamandardyń kadrlyq rezervin jasaqtaý.
Baiqaý úsh kezeńmen ótkiziledi:
- • irikteý kezeńi — kolledj ishinde ótedi;
- • óńirlik kezeń — ár kolledjden bes stýdent qatysady;
- • respýblikalyq kezeń —sheshýshi kezeńde ár aimaqtan 10 úzdik stýdent saiysqa túsedi.
Baiqaýǵa qatysýshylardyń jumystaryn sarapshylar: bilim berý, óner jáne gýmanitarlyq ǵylymdar, densaýlyq saqtaý jáne áleýmettik qamsyzdandyrý, jaratylystaný ǵylymdary, matematika jáne statistika, aqparattyq-kommýnikatsiialyq tehnologiialar, biznes, basqarý jáne quqyq, áleýmettik ǵylymdar jáne aqparat, aýyl, orman, balyq sharýashylyǵy jáne veterinariia, injenerlik, óńdeý jáne qurylys salalary, sondai-aq qyzmet kórsetý baǵyttary boiynsha baǵalaidy.
Baiqaýǵa tehnikalyq jáne kásiptik bilim berý uiymdarynyń niet bildirgen barlyq stýdentteri qatysa alady.
