Nur-Sultan qalasynda Qazaqstan halqy Assambleiasynyń XIX sessiiasy ótti. Qala ákimdigi men Dostyq úii uiymdastyrǵan sessiia otyrysy «Táýelsizdik. Birlik. Gúldený» taqyrybynda ótkizilidi, - dep habarlaidy «Ult aqparat».
Nur-Sultan qalasy aýdandarynyń ákimderi, Nur-Sultan qalasy ákimdiginiń basqarma basshylary, memleket jáne qoǵam qairatkerleri, elorda etnmádeni birlestikteriniń jetekshileri men úkimettik emes uiym ókilderi, taǵy basqa da mańyzdy qurylymdar basshylary qatysqan jiynda osy ýaqyt aralyǵyna deiin atqarylǵan mindetter keńinen qamtylyp, keleshektegi atqarylýy tiis mindetter saralandy.
Sonymen qatar, Qazaqstan halqy Assambleiasynyń XIX sessiiaotyrysyna Nur-Sultan qalasynyń ákimi, Nur-Sultan qalasy Qazaqstan halqy Assambleiasynyń tóraǵasy, Qazaqstan halqy Assambleiasynyń múshesi Altai Seidiruly Kólginov, Qazaqstan halqy Assambleiasy Tóraǵasynyń orynbasary, Qazaqstan Respýblikasy Prezidenti Ákimshiliginiń Qazaqstan halqy Assambleiasy hatshylyǵynyń meńgerýshisi Marat Almasuly Ázilhanov qatysty.
«Qazaqstan táýelsizdiginiń 30 jylynda elimizde orasan ister júzege asyrylyp, áleýmettik-ekonomikalyq damýymyz eselendi. Bul rette Qazaqstan halqy Assambleiasy men Nur-Sultan qalasy Qazaqstan halqy Assambleiasynyń úlesi eleýli ekenin zor iltipatpen aitamyz. Jalpy aitqanda, elimizdegi turaqtylyqtyń ornyǵýyna, yntymaq, birlik pen berekeniń qalypty tynysh jaǵdaiynda nyǵaiýyna Qazaqstan Respýblikasynyń Tuńǵysh Prezidenti-Elbasy Nursultan Ábishuly Nazarbaevtyń eńbegi ushan-teńiz. Osy ozyq damý joly sabaqtastyǵyn sátti jalǵastyryp kele jatqan Memleket basshysy Qasym-Jomart Kemeluly Toqaevtyń da orasan úlesin laiyqty atap ótken jón», - dedi Nur-Sultan qalasynyń ákimi Altai Kólginov.
Nur-Sultan qalasy Qazaqstan halqy Assambleiasynyń kezekti sessiiasyn ótkizýmen quttyqtaǵan Qazaqstan halqy Assambleiasy Tóraǵasynyń orynbasary, Qazaqstan Respýblikasy Prezidenti Ákimshiliginiń Qazaqstan halqy Assambleiasy hatshylyǵynyń meńgerýshisi Marat Ázilhanov qala ákimine jan-jaqty kómegi men qoldaýy úshin alǵys bildirdi.
«Eseptik kezeńde astanalyq Assambleia jáne onyń Hatshylyǵymen birlesken úlken jumys atqaryldy. Ózińizdiń jumysqa atsalysýyńyz ben qatysýyńyz arqasynda astanamyzdyń Assambleiasy bas qalada jáne Respýblikamyzda beibitshilik pen birlikti damytýǵa baǵyttalǵan tiimdi jumystyń jarqyn mysaly bolyp otyr. Biz Nur-Sultan qalasynyń etnomádeni birlestikteriniń jetekshilerimen árdaiym erekshe yqylaspen júzdesip kelemiz. Sizder óńirlerge úlgi bolatyndai qoǵamdyq kelisim men birlikti kúsheitý maqsatynda qyzmet etip kele jatyrsyz», - dedi Marat Ázilhanov.
Atalǵan sessiia otyrysy aldynda Nur-Sultan qalasy Qazaqstan halqy Assambleiasynyń qyzmeti týraly qamtylǵan beinekórinis kópshilik nazaryna usynyldy. Odan ári Qazaqstan Respýblikasynyń Memlekettik Ánurany oryndaldy. Odan ári Nur-Sultan qalasy etnomádeni birlestikteriniń ókilderi óz qyzmetterine qatysty atqarylǵan jumystardy baiandady. Sonymen birge, Nur-Sultan qalasy QHA XIX sessiiasynyń Úndeýi jariialandy.
Aita keteiik, Qazaqstan Respýblikasynyń Tuńǵysh Prezidenti – Elbasy N.Nazarbaevtyń tapsyrmasymen Qazaqstan halqy óńirlik assambleialary úshin úlgilik model retinde Nur-Sultan qalasy Qazaqstan halqynyń Assambleiasyn 2025 jylǵa deiin damytý baǵdarlamasy bekitilip, iske asyrylýda.
Esterińizge sala keteiik, Nur-Sultan qalasynda Qazaqstan halqy Assambleiasynyń XIX sessiiasy ótti. Qala ákimdigi men Dostyq úii uiymdastyrǵan sessiia otyrysy «Táýelsizdik. Birlik. Gúldený» taqyrybynda ótkizilidi. Nur-Sultan qalasy aýdandarynyń ákimderi, Nur-Sultan qalasy ákimdiginiń basqarma basshylary, memleket jáne qoǵam qairatkerleri, elorda etnmádeni birlestikteriniń jetekshileri men úkimettik emes uiym ókilderi, taǵy basqa da mańyzdy qurylymdar basshylary qatysqan jiynda osy ýaqyt aralyǵyna deiin atqarylǵan mindetter keńinen qamtylyp, keleshektegi atqarylýy tiis mindetter saralandy.
