BUU qurǵan elektrondy úkimetti damytý jahandyq reitinginde Qazaqstan TMD elderi arasynda birinshi oryn aldy, dep habarlaidy "Ult aqparat" Finprom.kz saityna silteme jasap.
Sońǵy bes aida elimizde 16 millionǵa jýyq memlekettik qyzmet elektrondy formatta kórsetilgen.Qazaqstandaǵy karantindik shekteý sharalaryn uzartý jaǵdaiynda qyzmetterdi, onyń ishinde memlekettik qyzmetti elektrondy formatta kórsetý kúnnen-kúnge ózekti ári mańyzdy bolyp keledi. Qazirgi ýaqytta halyq memlekettik qyzmetterdi elektrondy túrde alýǵa aitarlyqtai daiyn.
Osylaisha 2019 jyldyń aiaǵynda 6-74 jas aralyǵyndaǵy kompiýter qoldanýshylar úlesi 82,2% deiin ósti (bir jyl buryn - 80,3%), al Internetti paidalanýshylar úlesi 84,2% ósti (ótken jylǵy ósim - 81, 3%). Jalpy, 6-74 jas aralyǵyndaǵy halyqtyń tsifrlyq saýattylyq deńgeii bir jylda 79,6% -dan 82,1% -ǵa ósken.
Qazirgi ýaqytta memlekettik qyzmetterdiń 82% astamy avtomattandyrylǵan, al 2020 jyldyń sońyna deiin bul kórsetkishti 90% jetkizý josparlanǵan. Memlekettik qyzmetterdi qazaqstandyqtar egov.kz elektrondyq qyzmetter portaly, MGov mobildi qosymshasy jáne Telegram bot arqyly onlain alýǵa bolady.
Jeliden tys offlain rejimde «Azamattarǵa arnalǵan úkimet» memlekettik korporatsiiasynyń front keńseleriniń birine júginýge bolady. Biylǵy bes aida QR Elektrondy úkimet portalynda 16 millionǵa jýyq memlekettik qyzmet kórsetilgen.
Onyń ishinde suranysqa ie bolǵan qyzmet – tótenshe jaǵdai kezeńinde mindetti áleýmettik saqtandyrý júiesine qatysýshylarǵa áleýmettik tólemderdi taǵaiyndaýdy tirkeý boldy - 8,1 mln qyzmet.
Memlekettik qyzmetterdi avtomattandyrý jáne ońtailandyrý - «Tsifrlyq Qazaqstan» memlekettik baǵdarlamasynyń negizgi baǵyttarynyń biri boldy. BUU qurǵan elektrondyq úkimetti damytýdyń jahandyq reitinginde Qazaqstan álemniń 190 eli arasynda 29-orynǵa kóterildi (bir jyl buryn - 39 orynda bolǵan).
Bul reitingti jasaý barysynda memleketterdiń 2018-2019 jyldary atqarǵan jumystary baǵalanǵan. TMD elderi arasynda Qazaqstan 1 oryn aldy. Odan keiin Resei (36-oryn), Belarýs (40-oryn), Moldova (79-oryn), Ýkraina (69-oryn), Ózbekstan (87-oryn) elderi tur.
Elektrondy úkimetti damytý boiynsha kóshbasshylardyń úshtigine Daniia, Ońtústik Koreia jáne Estoniia kirdi. TOP-5 memleket tizimin Finliandiia men Avstraliia túiindeidi.
