Jelide mekemelerdiń biriniń dárethanasyndaǵy "Qazaqstan" degen jazýy bar jalańash qyzdyń sýreti qyzý talqyǵa túsken edi. Bul oqiǵa Kókshetaýdaǵy barlardyń birinde bolǵan. Mekeme ákimshiligi ókilderi Instagram-paraqshasynda osy jaitqa qatysty pikir bildirdi, - dep habarlaidy Massaget.kz portaly.
Jazbada bul áreket belgisiz adamdardyń qolynan shyqqany, mekeme qyzmetkerleriniń oǵan qatysy joǵy aitylady.
"Keshe bizdiń mekemede óreskel oqiǵa boldy. Ol búkil Qazaqstan halqynyń namysyna tidi. Ásirese, ulttyq mereke kúnderi. Belgisiz adam nemese belgisiz adamdar bizdiń mekemeniń dárethanasynda elimizdiń ar-namysy men qadir-qasietin qorlaityn sýret salǵan. Birden aita keteiin, bizdiń ujymnyń birde-bir qyzmetkeriniń bul qylmystyq áreketke qatysy joq. Qazir quqyq qorǵaý organdary jedel-izdestirý is-sharalaryn júrgizip jatyr. Sondai-aq, keshe bizdiń mekemede bolǵan jáne osy oqiǵaǵa qatysty bir nárse kórgen adamdardan myna nómirge jazýyn suraimyz: +7 708 444 1333.
Taǵy bir nárse. Osy áreketti jasaǵan adamǵa aitarymyz - is-áreketiń durys dep oilasań, el aldyna shyǵýǵa shaqyramyz. Bizge nemese quqyq qorǵaý organdaryna kel. Ózińdi tapqanǵa deiin", - delingen jazbada.
